位於香川縣小豆島嘅小豆島橄欖公園，係一個橄欖農園，裏面有樹齡約100年嘅橄欖樹，更係日本首個生產業用橄欖嘅發源地。園內唔止有廣大嘅橄欖樹林，仲有好多花卉喺各個季節盛開嘅景色都非常靚！而且仲擺放咗藝術作品，係一個有好多特色特頭嘅觀光景點。
小豆島上有關橄欖嘅歷史
有關小豆島栽培橄欖嘅歷史，可以追溯到1908年，香川縣接受國家委託，於小豆島設置橄欖試驗園進行橄欖栽培。1917年，試驗用嘅1220根橄欖木被送到小豆島，而其中一根就係現時小豆島橄欖園內嘅橄欖原木。直到終有收成，小豆島成為日本首個生産業用橄欖嘅發源地。之後到1919年，以橄欖公園前身「Shimamura 橄欖公園（シマムラオリーブ園）」之名開園。
小豆島橄欖公園嘅特色
小豆島橄欖公園內有樹齡100年、作為日本最古老嘅橄欖原木
小豆島橄欖公園內有一棵樹齢100年，屬日本最古老嘅橄欖樹，日本橄欖油嘅栽培就係由此起。除咗廣大嘅橄欖樹林，公園內仲有20世紀嘅世界著名雕刻藝術家「Isamu Noguchi」嘅雕刻玩樂擺設、以及使用和紙製作照明用具嘅展覽等同藝術有關嘅作品。另外仲有可以品嚐小豆島當地美食嘅餐廳，又有買到多種手信嘅商品店。喺橄欖收成期嘅10至11月更可以睇到橄欖搾油嘅過程添，係一個多睇頭嘅旅遊景點。
小豆島橄欖公園內季節性花草樹木景色非常迷人
公園內可以欣賞到唔同季節嘅花景。喺春天，從2月底開始銀葉合歡同染井吉野櫻就會盛開，染成一片又黃又粉紅嘅美麗花景；過咗5月頭，金寶樹就為公園加入紅色色彩；到6月頭又有橄欖嘅白色花朵在田上長上；6月開始就可以欣賞埋藍花楹同茉莉花。真係每個季節嚟都可以欣賞到各種花卉美麗綻放嘅一刻。
小豆島橄欖公園點玩好？
小豆島咁大咁多嘢玩，唔夠時間玩哂點算好？計劃緊行程嘅你，可以預計喺小豆島橄欖公園玩嘅時間大約係40分鐘左右。當中15至20分鐘喺園內散步，之後再用15至20分鐘買吓手信呀、食啲嘢小休都得。不過如果鐘意影相，咁又要預多啲時間喇！
小豆島橄欖公園開放時間係08:30至17:00，年中無休，入園無需入場費。
去小豆島嘅交通資訊
如果係直飛到高松機場的話，搭機場巴士約40分鐘後喺高松站落車，行10分鐘去高松港碼頭搭船，60分鐘後到草壁港碼頭落船。草壁港碼頭搭圾手線嘅巴士，到「橄欖之丘（オリーブヶ丘）」落車就到。
景點資訊
- 名稱：小豆島橄欖公園
- 地址：香川縣小豆郡小豆島町西村甲2171
- 交通：高松機場→[機場巴士]40分鐘→高松站→[徒步]約10分鐘→高松港碼頭→[船]約60分鐘→草壁港碼頭→[巴士]→橄欖之丘（オリーブヶ丘）
- Wi-Fi：有提供
- 語言對應：只有日文
- 入場費：免費
- 可以使用信用卡：園内餐廳或商品店可以使用
Comments