位於香川縣丸龜市嘅「丸龜市豬熊弦一郎現代美術館（MIMOCA）」係一個收藏及展出約2萬件豬熊弦一郎畫作嘅美術館。現時因裝修工程，閉館至2020年3月底（暫定），但喺丸龜市內有設置臨時會場，可讓人體驗美術Ｗorkshop（工作室）。
有關MIMOCA的介紹
愛稱為「MIMOCA」嘅丸龜市豬熊弦一郎現代美術館於1991年喺香川縣丸龜市開幕，館內所收藏及展示嘅2萬件畫作，係由同丸龜市好有淵源嘅豬熊弦一郎畫家所捐贈嘅。美術館嘅展覽以現代美術為主，並會有特別展覽喺一年中不定期舉辦幾次。不過請留意，MIMOCA於2018年12月25日至2020年3月31日（暫定）為止因裝修工程而休館中。
來欣賞MIMOCA嘅建築物
丸龜市豬熊弦一郎現代美術館（MIMOCA）位於丸龜站附近，行路好快就到。外觀正面有一幅豬熊弦一郎嘅巨大壁畫物體。內裏嘅建築物係由已經負責過幾個美術館設計嘅谷口吉生建築師所設計嘅。建築設計係經過豬熊大師同建築師磋商，達成同一理念而成。館內採自然光線，營造輕柔、開放感十足嘅空間。
作為美術館舉辦多個Workshop嘅MIMOCA
丸龜市豬熊弦一郎現代美術館（MIMOCA）係一個會積極舉辦座談會、演講會、工作坊等教育活動嘅美術館，旨在提供地方讓小朋友發揮及培養創意、感性等能力。雖然至2020年3月尾仍然休館中，但喺丸龜市有設置臨時會場，舉辦連大人、小朋友可以盡情享受嘅活動。旅行時體驗美術，做吓「文青」都好呀，一家大細去旅行就更唔可以錯過啦！
去MIMOCA嘅交通資訊
如果係從岡山站過去，搭往JR松山或高知方向嘅特急列車，車站約40分鐘，丸龜站落車後行路就到。如果係高松機場過去，抬75分鐘機場巴士就到丸龜站。搭的士的話，約40至50分鐘。
景點資訊
- 名稱：丸龜市豬熊弦一郎現代美術館（MIMOCA）
- 地址：香川縣丸龜市濱町80-1
- 地址：東京站→[新幹線] 約3小時20分→岡山站→[JR電車] 約40分鐘→丸龜站…步行即達
- Wi-Fi :有（かがわwi-Fi公眾熱點）
- 語言對應：資訊小冊子有中文、英文、日文、韓文版本
- 入場費：根據展覽而有所不同（詳情請瀏覽官方網頁）
Comments