去鹿兒島玩，唔只景點觀光或搵好嘢食，一場嚟到日本梗係想買日本先買到嘅商品啦。鹿兒島都可以滿足到你購物慾望！想Shopping，但唔知去邊好？為你推介三大鹿兒島購物景點！
鹿兒島購物景點推介之一：天文館拱形商店街
天文館地區係鹿兒島縣內最大嘅繁華街道，此地區內有天文館通、Izuro通等20條以上拱形商店街及購物中心，真係行都有排你行呢！
「天文館通」可謂係天文館嘅主要街道，當中有好多有話題性嘅熱門店舖，而小編推薦嘅有甘薯蛋糕（唐芋ケーキ）專門店嘅「天文館Festivalo（天文館フェスティバロ）」同埋提供輕羹（かるかん）等多種當地銘菓（高級和菓子）嘅「菓々子横丁」。
景點資訊
- 名稱：天文館（Tenmachisalon）
- 地址：鹿兒島県鹿兒島市東千石町8-22
- 交通：鹿兒島站前→[鹿兒島市電２系統]17分鐘 →鹿兒島中央站…徒歩約2分鐘
- 開放時間：10:00～19:00
- 固定休息日：除12月31日及1月1日外，年中無休
- Wi-Fi：有提供
- 語言對應：中文（普通話）、英文
鹿兒島購物景點推介之二：連接機場交通方便嘅AMU PLAZA鹿兒島
AMU PLAZA鹿兒島係同JR鹿兒島中央站直接連結嘅購物中心，另外行2、3分鐘就可以去「鹿兒島中央站前」巴士站搭到去機場嘅巴士，非常適合回程時作最後血拚！
購物中心內有好多潮流服飾及美妝嘅店，有DHC直銷店、3COINS+plus，又有nana's green tea可以享受焙茶嘅美食等各式店舖。
景點資訊
- 名稱：AMU PLAZA鹿兒島
- 地址：鹿兒島縣鹿兒島市中央町1-1
- 交通：鹿兒島站前→[鹿兒島市電２系統]17分鐘→鹿兒島中央站…徒歩約2分鐘
- 營業時間：星期一至四：10:00～20:30、星期五、六、日、日本公眾假期及其前一日：10:00～21:00
- Wi-Fi：有提供（SSID:AMUKAGOSHIMA）
- 營業時間及休息日等每間店舖各有所異，有興趣請瀏覽官方網頁。
鹿兒島購物景點推介之三：到DOLPHIN PORT欣賞櫻島與海嘅美景
面向海景嘅DOLPHIN PORT內有同鹿兒島好有淵源嘅手信特產店。有販賣薩摩切子、大島紬使用嘅小物嘅「薩摩工藝館&薩摩Gallery（薩摩工芸館&薩摩ギャラリー）」，亦有收集咗好多鹿兒島縣內各地燒酒嘅「薩摩酒蔵Satsuma酒藏（薩摩酒蔵さつまさかぐら）」。
仲有呀！天氣好時，從DOLPHIN PORT可以望到美麗嘅櫻島景點添！搵間食店，例如鹿兒島拉麵店、回轉壽司店等等，坐低邊品嚐美食，邊欣賞美景就最嘆喇！
景點資訊
- 名稱：DOLPHIN PORT（ドルフィンポート）
- 地址：鹿兒島縣鹿兒島市本港新町5-4
- 交通：鹿兒島中央站前→[鹿兒島市電２系統]10分鐘→Izuro通…徒歩約5分鐘
- 營業時間及休息日等每間店舖各有所異，有興趣請瀏覽官方網頁。
Comments