嚟到太宰府觀光，一定唔可以錯過「太宰府天滿宮」周邊嘅餐廳同美食。可以喺度食到好多地方特色料理。今次為大家介紹太宰府著名嘅美食同推薦嘅餐廳。
太宰府必試：梅枝餅
「梅枝餅」係以彈牙糯米外皮包紅豆餡，再經過烤焗而成嘅一種和菓子。其歷史可以追溯到9世紀，當時活躍嘅政治家兼學者——菅原道真剛被流放到太宰府，有位好心嘅婆婆咗糯米紅豆燒餅，插上梅枝後送俾道真公以解飢餓，所以有咗「梅枝餅」呢個稱呼。從此太宰府附近開始多咗好多整同賣汴梅枝餅嘅店。現已成為太宰府嘅必食小食。
天滿宮參道上聚集咗好多賣梅枝餅嘅店。其中以「Kasanoya（かさの家）」、「茶房Kikuchi（茶房 きくち）」特別出名。現烤嘅「梅枝餅」一個120円；如果想買手信，可以考慮一盒5個嘅禮盒裝600円。
太宰府必食：一蘭拉麵 太宰府參道店
相信大家都知道「一蘭」喺亞洲好受歡迎嘅豚骨拉麵專賣店，但只有「一蘭拉麵 太宰府參道店」先會提供五角形碗嘅拉麵，稱為「合格拉麵」。緣由係因為日文中，「五角」同「合格」嘅發音好相似，所以取其諧音嚟命名。「合格拉麵」採用豚骨熬製嘅高湯，麵中央加上以辣椒為基礎，再加上30多種配料同香辛料熬煮而成嘅「赤紅秘製醬汁」，味道濃郁惹味。另外，因日文數字「59」發音同「合格」又相近，「合格拉麵」用咗長達59厘米嘅麵條嚟製作。
店家唔只用咗五角形嘅合格碗，仲搭配五角形嘅筷子（合格筷），洗手間仲用咗日文「トオル」嚟標示（唸成Tooru，祈求考試通過嘅意思)。店內有好多地方都有「合格」標志，全方面為考生加油打氣！
合格拉麵之所以會咁出名，唔只係間店嘅招牌特色，仲因為有好多來自日本國內外嘅客人食完之後真係順利地通過考試。
一蘭拉麵有獨特嘅一套點餐方式，顧客可以自行選擇湯頭濃淡、油膩程度、蒜嘅份量、麵條軟硬度等。點餐用紙除咗日文，還有中文、英文同韓文版本。
餐廳資訊
- 名稱：一蘭 太宰府参道店
- 地址：福岡縣太宰府市宰府2-6-2
- 交通方式：西鐵太宰府站步行約1分鐘
- Wi-Fi：沒有提供
- 語言對應：中文、英文、韓文
- 可否使用信用卡：不可
太宰府必訪：Starbucks Coffee太宰府天滿宮表參道店
「Starbucks Coffee太宰府天滿宮表參道店」由著名日本建築師「隈研吾」打造設計，具有獨特嘅建築風格。依照「利用自然素材展現傳統與現代融合之美」嘅概念，從入口到店內、從天花板到牆壁，都用咗傳統木架技術，無使用任何一根釘。嚟到呢度，可能即刻會被呢這座建築嘅藝術性外觀同空間嘅美感吸引目光。
另外，仲可以欣賞店鋪後方嘅庭園種植，太宰府天滿宮象徵之稱嘅梅花樹。
餐單方面，飲品類大約300至700円、甜品或三文治等輕食類約200至600円。
餐廳資訊
- 名稱：Starbucks Coffee太宰府天滿宮表參道店
- 地址：福岡縣太宰府市宰府3-2-43
- 交通方式：西鐵太宰府站步行約4分鐘
- Wi-Fi：有提供
- 語言對應：英文
- 可否使用信用卡：不可
Comments