鹿兒島縣嘅霧島市總共有4個溫泉鄉，各種酒店同溫泉旅館都好充足。今次小編就從霧島神宮溫泉鄉、妙見安樂溫泉鄉、日當山溫泉鄉嘅溫泉旅館中，精選三家推薦嘅住宿設施為你做介紹啦。
1. 日本稀有天然泥漿溫泉旅館「霧島天然泥湯之宿Sakura Sakura溫泉旅館」
「霧島天然泥湯之宿Sakura Sakura溫泉旅館」被霧島山脈環繞，環境清幽。旅館有日本全國稀有嘅天然泥漿溫泉，以美膚效果見稱。享受天然泥漿溫泉之前，要先進入大浴場浸一浸 ，再將富含溫泉成分嘅天然泥漿塗喺身上，等佢自然乾。最後再用洗面乳等洗乾淨就得喇。
唔只泥漿溫泉，另外仲有兩種唔同嘅包場露天溫泉浴池可以使用。
客房有和室、小木屋等5種類型。其中，「和風透天建築」、「小木屋」、「加拿大小木屋」係可以整棟租，係個多用途嘅住宿設施。
旅館範圍內，設有餐飲區，晚餐供應使用鹿兒島當地食材製作嘅會席料理；有和式同西式菜餚嘅自助式早餐，可以食到「雞飯」、「黑豬」等鹿兒島著名美食。
酒店內仲有可以飲到鹿兒島燒酒嘅酒吧、卡拉OK同紀念品店。入住期間請一定要盡情享受喔！
旅館資訊
- 名稱：霧島天然泥湯溫泉Sakura Sakura溫泉
- 地址：霧島市霧島田口2324-7
- 交通：霧島神宮站→[鹿児島交通巴士]約15分鐘→横岳下巴士站...徒歩約3分鐘
- Wi-Fi：有提供（僅部分客房）
- 語言對應：英文
- 可使用信用卡：VISA、MasterCard、JCB、AMERICAN EXPRESS、Diners Club International
2. 霧島唯一擁有觀景溫泉的「霧島觀光飯店」
「霧島觀光飯店」是霧島唯一擁有觀景溫泉的飯店。「展望大浴場」可欣賞霧島連山、鹿兒島灣（錦江灣）及櫻島。酒店仲提供各種溫泉設備，例如附帶按摩浴缸功能嘅溶岩室外溫泉浴池、蒸汽浴、包場式露天溫泉及足浴等。
另外，酒店有好多景觀客房，北館可以眺望溫泉鄉、霧島高原美景；南館可以欣賞鹿兒島灣（錦江灣）、櫻島。而且，景觀客房嘅住宿價格合理。（到2019年12月底為止，部分客房同室外溫泉浴池，因耐震補修工程而暫時無法使用）。
除咗溫泉同景觀客房，酒店仲有其他令人驚豔嘅服務。餐廳提供嘅晚餐可以品嚐到使用鹿兒島灣（錦江灣）捕獲嘅海產等新鮮食材製作的會席料理；朝早可以享受提供35種以上日式同西式菜餚嘅自助式早餐。此外，仲有卡拉OK、居酒屋同紀片品店。雖然需要另外付費，但係絕對值得你試吓去玩！仲有例如按摩等客房內服務、唔同顏色及款式嘅浴衣提供租借等等。
酒店資訊
- 名稱：霧島觀光飯店
- 地址：鹿兒島縣霧島市牧園町高千穗3885
- 交通：霧島神宮站→[鹿兒島交通巴士]約30分鐘→丸尾巴士站步行約5分鐘
- Wi-Fi：有提供（中央館1樓大廳周邊）
- 語言對應：英文
- 可使用信用卡：VISA, MasterCard, JCB, AMERICAN EXPRESS, Diners Club International
3. 擁有兩種優質源泉掛流式溫泉的「霧島湯之谷山莊」
「霧島湯之谷山莊」位於霧島國立公園內嘅天然森林中，係九州首屈一指嘅秘湯溫泉旅館。喺溫泉浴池可以感受檜木嘅溫暖厚實感，共有兩種源泉掛流式溫泉：高溫硫磺泉、低溫碳酸硫磺泉；以及三種與源泉水組成嘅混合溫泉浴池。全都係優質嘅源泉，有緩解身體疼痛同壓力嘅效果，適合好好浸住嚟放鬆！另外，如果住客有需要，露天溫泉浴池仲可以包場添。
所有客房都係簡約嘅和室，餐廳嘅早餐、晚餐時段，供應採用當地新鮮食材製作嘅定食套餐。
旅館內無商店，附近亦無便利店或超市。酒店環境好簡單，等你可以完全沉浸喺傳統日式氣氛中，享受優質溫泉，以及被大自然包圍嘅感覺。
旅館資訊
- 名稱：霧島湯之谷山莊
- 地址：鹿兒島縣霧島市牧園町高千穗4970
- 交通：霧島神宮站→[鹿兒島交通巴士]約26分鐘→湯之谷溫泉入口巴士站步行10分鐘
- 入住・退房：如果喺17:00之後辦理入住手續，則要事先與山莊電話聯絡。超過18:00到達可能無法供應餐點。
- Wi-Fi：有提供
- 語言對應：僅限日文
- 可否使用信用卡：不可
Comments