佛祖出巡？京都嵐電「觀音電車」天花掛滿「千手裝飾」

你如日常咁樣搭電車，但今次上車，望下天花板，竟然見好多隻手伸出嚟，你會有咩反應呢？照常搭車？定係尖叫？還是嚇到乜都做唔到？俾著係小編嘅話肯定嚇到即刻落車！

講緊嘅唔係鬼故或者電影情節，而係喺京都掀起話題嘅「嵐電・觀音電車」。想要搭吓呢架熱門話題電車，就要去搭京福電氣鐵道嵐山本線同埋北野線。跟住落嚟，等小編同大家詳細介紹吓呢架會嚇死人嘅千手觀音電車...

「嵐電・觀音電車」究竟係邊個諗出嚟？

話說京都世界文化遺產・仁和寺入面嘅觀音堂，喺2019年春天修復完，而家正舉行特別對外開放參觀。所以，京福電氣鐵道為咗令多啲人知道平時唔對外開放嘅仁和寺觀音堂，而家可以去參觀，就將嵐電嘅1卡車廂改裝，由外觀到內裝都變咗做同成仁和寺觀音堂嘅佛像同埋觀音有關嘅壁畫或者圖案。

車廂嘅外觀係畫咗千手觀音菩薩立像。

車廂內就張貼咗壁畫嘅畫像，車內嘅每個吊環裝飾上面，都用木板印咗千手觀音菩薩或者二十八部眾像。佛像同埋壁畫互相襯托，真係好似去咗佛堂咁，好難唔留下印象。

車廂入面嘅天花板，原本喺會掛懸吊式廣告，但而家就換哂做觀音嘅千手。原來呢個設計概念係，呈現千手觀音菩薩嘅慈悲同埋強烈力量拯救咗好多人嘅，所以個設計就由天到伸好多手出嚟拯救世人，呢個概念係咪好有意思呢。

如果近期有計畫去京都或者嵐山欣賞紅葉等，就咁有機會搭觀音電車，順便去仁和寺同千手觀音菩薩見面喔！