霧島位於鹿兒島縣中部位置，有霧島連山等雄偉大自然風景。霧島有四個溫泉鄉，係九州最好嘅溫泉地之一，仲有好多可以飲溫泉水同足浴等嘅地方可以一遊。
霧島嘅簡介
霧島嘅南部係面向錦江灣嘅市區，北部則係海拔超過1,000米嘅霧島連山。該地區氣候溫暖多雨，特別係6至7月嘅梅雨季，同8至9月嘅颱風季，降雨量特別多。旅行嘅話，建議避開霧島嘅雨季比較好。
霧島必去景點
霧島除咗自然景點、歷史名勝古蹟外，仲有豐富嘅溫泉地。今次要為你介紹霧島推薦必去嘅景點。
霧島連山等自然美景
霧島係日本首個被列入國立公園嘅地區，有霧島連山等雄偉嘅自然景觀。霧島連山係由最高峰，即海拔1,700米嘅「韓國岳」以及20多座大大小小嘅火山群組成，可以欣賞火山口湖、濕地同植物等優美景色。另外，霧島連山有多條登山路線，香港人近年咁鐘意行山，一於嚟霧島邊行山邊欣賞日本嘅大自然風景啦！
而且，喺春天時，霧島連山嘅山腳下嘅田地有油菜花盛開，染成一片金黃色嘅美景，鐘意影靚相嘅你絕對唔可以錯過啦。
霧島神宮等具歷史性嘅景點
霧島有好多寺廟、神社等歷史景點，例如，歷史悠久嘅霧島神宮同鹿兒島神宮。位於北部嘅霧島神宮係建於西元6世紀嘅古老神社。神社內，朱紅色嘅社殿喺周圍綠色山林襯托之下，更顯華麗。
集合露天溫泉、足浴等多個溫泉設施嘅霧島溫泉鄉
霧島共有四個溫泉鄉。喺南部嘅天降川沿岸，就有「妙見安樂」、「日當山」兩個溫泉鄉；而喺北部都有兩個溫泉鄉，就係以霧島神宮為中心嘅「霧島神宮溫泉鄉」及位於霧島山腰嘅「霧島溫泉郷」。各個溫泉鄉都有提供住宿嘅溫泉旅館，或者不提供住宿嘅溫泉設施，其他仲有好多浸足浴嘅地方。大部分足浴都可以免費使用，有機會一定要體驗吓呀！
霧島嘅美食及餐廳推介
霧島以當地生產嘅黑豬肉、霧島茶、黑醋同燒酒等，豐裕大自然環境下孕育出來嘅天然食材而聞名。可以品嚐呢啲地道美食嘅餐廳集中喺霧島南部嘅JR國分站周邊、妙見及安樂溫泉鄉同日當山溫泉鄉。北部嘅餐廳比較少，但仍然可以喺霧島神宮同霧島溫泉鄉搵到食肆。
霧島嘅酒店、旅館住宿
霧島嘅住宿設施主要位於南部同北部嘅四個溫泉鄉。南部方面，住宿紹施集中喺妙見、安樂溫泉鄉受日當山溫泉鄉以及JR國分站周邊。在北部，霧島神宮溫泉鄉和霧島溫泉鄉有很多住宿設施。
各個溫泉鄉嘅房價大約每晚7,000至15,000円嘅溫泉旅館好多，比呢啲更高價位嘅高級住宿都有。如果你嘅預算係每晚7,000円以下，可以考慮吓南部地區嘅JR國分站附近，有好多商務酒店 。（截至2019年7月資料）
去霧島嘅交通
想去霧島旅行，可以從JR鹿兒島中央站乘搭JR特急列車到JR國分站，車程約36分鐘。從JR國分站乘搭電車或巴士就可以輕鬆去到各觀光景點。
景點資訊
- 名稱：霧島（JR國分站）
- 地址：鹿兒島縣霧島市國分中央3-46-3
- 交通：鹿兒島中央站→[JR 特急]約36分鐘→霧島
- Wi-Fi：有提供（FREESPOT）
- 語言對應：中文、英文、韓文
- 可使用信用卡： VISA、MasterCard、JCB、AMERICAN EXPRESS、Diners Club International
Comments