章魚燒對大家嚟講係主食？定係零食？如果你識烤好食好睇嘅章魚燒，會令人受萬人愛載？根據御多福股份有限公司調做咗個有關章魚燒嘅問卷調查，對象係日本全國年齡屆乎20歲至49歲之間嘅男女，不如一齊睇下呢個有趣嘅調查結果！?
超過8成嘅關西人會喺屋企搞章魚燒Party
可以食到章魚燒嘅地方好多，例如小販、自己屋企或者章魚燒專門店等等。問卷調查中問咗大家通常係邊到食章魚燒比。前三名結果如下：
第1名 自己屋企（64.4％）
- 第2名 章魚燒店（39.4％）
- 第3名 廟會祭典（32.6％）
而分地區嚟睇嘅話，最多人會喺屋企食章魚燒嘅就係「關西」地區。調查結果顯示有81%嘅關西人都最常喺屋企食章魚燒。
章魚燒在關西是主食，在東北是點心。
大家覺得章魚燒係主食定係零食？調查結果顯示的排行如下：
第1名 零食（46.8％）
- 第2名 主菜（31.4％）
- 第3名 配菜（12.6％）
而對於呢條問題，關西人同東北人嘅答案分別好大。東北人有61.3%通常當章魚燒係零食點心，而關西僅34.9%嘅人認為章魚燒係零食。另一方面，47.6%關西人認為章魚燒係主菜，而東北人就只有30.6%。好明顯對章魚燒嘅睇法，喺唔同地區可以好大分別。
識烤出好章魚燒嘅人好吸引？！
對於識將章魚燒烤得好靚嘅人，你會有咩印像。係調查中順便問咗呢題。而答案好正面。
第1名 擅長烹調煮食（80.6％）
- 第2名 覺得好型（60％）
- 第3名 做事能力強（56.2％）
當然，追根究柢只係個印象，可能事實唔係咁。調查結果顯示出好多人都對烤章魚燒烤得好嘅人嘅印象都好正面。或者日本人會覺得如果想提升自己形象，就要練習下烤章魚燒嘅技巧，以備不時之需，有機會有可以露一手等大家刮眼相看。
唔知香港識煮啲咩會令人印象好呢？
<網路問卷調查>
調查期間：2018年11月6日～11月7日
- 調查對象：20歲～49歲 在職男女共500名（日本人）
- 調查公司：御多福股份有限公司
Comments