如果你已經對東京呢座人多擠迫嘅石屎森林感到厭倦，甚至想逃離城市一整日，望吓大自然同其他有趣事物，咁就推薦你去伊豆半島喇！伊豆半島包括伊豆、熱海、修善寺同下田。呢啲地方位於靜岡縣東側，可以喺呢啲地方進行體驗嘅活動同欣賞大自然景觀。伊豆半島距離東京唔遠，係周末度假嘅理想目的地。
伊豆半島必睇景點
伊豆仙人掌動物公園
正如公園其名——「Shaboten（仙人掌） 」，公園內展示咗來自世界各地約1,500種仙人掌同其他植物。但係，令呢個地方變得更與眾不同嘅係園內嘅100種動物，其中大部分動物都放養喺園內自由活動。如果你喺餵食動物時段喺公園，仲可以體驗餵動物食嘢添！另外，每日都會舉辦幾場動物表演。呢個公園就算全年都可以參觀，但最好嘅季節係冬季。可以睇到園內最受歡迎嘅動物「水豚」，為咗溫暖身體而享受浸溫泉嘅樣，超級可愛！
貝爾德啤酒花園修善寺
如果你鐘意啤酒，咁就一定唔可以錯過伊豆呢個地方。「貝爾德啤酒花園修善寺」位於伊豆嘅修善寺區。2001年設立當初，以日本規模最細嘅特許經營啤酒廠起家，如今已成為世界上著名啤酒廠之一。該啤酒廠以「慶祝啤酒」為座右銘。從釀酒廠所使用嘅天然原料中充分萃取成分來釀造啤酒。貝爾德啤酒花園修善寺嘅三款精釀啤酒，於2010年「世界啤酒盃」比賽中獲得金牌獎。啤酒廠位於卡諾河畔嘅森林中，喺品嚐生啤酒嘅同時，亦可以感受大自然徐徐微風。
MOA美術館
MOA美術館位於熱海區。為咗維護博物館周遭自然景觀，從入口進入美術館建築需要搭7段、總長200米嘅扶手電梯。搭扶手電梯過程中，牆壁同天花板嘅燈光會有變化，營造出夢幻氣氛。館內主要展示美術館創立者「岡田茂吉」嘅收藏品。
堂島
堂島位於西伊豆半島。呢度出名嘅係令人驚歎嘅複雜海岸線，仲有漂浮喺海面上嘅獨特小島。堂島海岸線嘅欣賞風景係名勝景點，可以透過搭觀光船欣賞。觀光船一日有好幾班船，毎程需時20到25分鐘，會沿著堂島海岸線航行，甚至仲會駛入其中一個較大嘅洞穴「天窗洞」，可以睇到一個好靚嘅藍色洞窟。
伊豆半島必吃美食：壽司
靠海嘅伊豆盛產美味海鮮，著名嘅魚類包括南洋金目鯛、大尾魷魚、竹筴魚等，經常以紅肉旗魚同小竹筴魚嚟做壽司。伊豆半島上有好多壽司店，去到伊豆就一定要去試吓新鮮魚喇！
去伊豆半島嘅交通方法
從東京出發去伊豆半島，搭特急列車「踴子號」非常方便。「踴子號」會喺伊豆高原站、伊豆熱川站、伊豆稻取站、河津站伊豆急下田站停站。另外，特急「超景踴子號」票價比「踴子號」稍貴，但座位非常舒適，車廂內仲設有兒童遊戲室。
Comments