本文所指嘅「北九州」並唔係概括日本九州北部地區嘅講法，北九州市其實係日本九州最北端嘅一個都市，隔著關門海峽同日本本州相對望，係九州嘅玄關口。北九州有「漫畫博物館」等都市型觀光設施，以及自然景觀旅遊勝地同產業遺跡等種類豐富嘅觀光資源，具有多樣化嘅力。此外，仲有海鮮料理或當地名產美食等等，眾多好食嘅美食都不容錯過！
關於北九州
北九州市面向海北部地區係市區、南部則係丘陵地及山區。同本州之間有橋同隧道連結，位於來往本州嘅交通主要通道，可以講係九州嘅玄關口。
此外，北九州亦係一個工業發達嘅都市，沿岸有好多製鐵廠等大規模工廠群。
北九州嘅平均天氣及觀光季節
北九州位於氣候相對比較溫暖嘅地域，但係冬季仍然寒冷，日照時間短嘅日子多。因此，適合觀光嘅季節為春季至秋季。春季可以賞櫻花及紫藤；夏季則有傳統祭典同煙花大會；秋季可賞楓紅，唔同季節有唔同嘅魅力。
如果係熱愛蠔同河豚等季節性美食，想來個美食之旅的話，則推薦喺冬季造訪為佳。
北九州嘅推薦必去景點
北九州有各式各樣嘅觀光景點，具有代表性嘅知名景點多聚集喺北部區域。以下為大家介紹幾個特別推薦必訪嘅景點。
「北九州市漫畫博物館」及「北九州市美術館」等美術館、博物館
北九州有好多美術館、自然史博物館、科學館等觀光設施。例如，「北九州市漫畫博物館」展示松本零士等與同北九州市有淵源嘅知名漫畫家之作品同相關資料。此外，喺「北九州市立美術館」可以欣賞到來自北九州嘅畫家或世界知名畫家嘅作品。
「小倉城」等北九州歷史古蹟建築物
嚟到北九州，推薦參觀小倉城、八坂神社等神社寺廟、以及「官營八幡製鐵所」等產業遺址，有好多具有歷史嘅建築物留存至今。特別係「小倉城」更係必訪景點之一。聳立喺石牆上嘅5層樓高天守閣具有壓倒性嘅存在感。此外，各樓層設有具有魄力嘅播映室、展示區、展望台等空間，可供遊客參觀。
「河内藤園」等北九州嘅自然景觀旅遊景點
北九州有好多能欣賞美麗花卉、山林、海洋等自然景觀嘅地方。其中首推「河內藤園」，係欣賞紫藤同白藤嘅知名景點。園內有110米長嘅藤花隧道，可以欣賞到令人驚嘆嘅美景。此外，開園時期為藤花盛開嘅春季及美麗楓紅嘅秋季，一年僅有2次。
北九州嘅人氣夜景景點：工廠夜景
北九州欣賞夜景嘅景點都相當值得一去。例如喺沿岸嘅工業地帶，有大規模嘅工廠聚集於此，天色轉暗之後，閃爍著黃色同橙色嘅燈光交織出夢幻般嘅風景。此外，從皿倉山嘅展望台可以瞭望欣賞市區嘅美麗夜景。
北九州嘅推薦美食及餐廳
嚟到北九州唔可以錯過嘅當地美食包括新鮮嘅海產料理，例如發源自小倉嘅「炒烏冬（焼きうどん）」、發源於門司港嘅「燒咖哩（焼きカレー）」等代表性美食。可以品嚐呢啲北九州名產美食嘅餐廳集中喺JR小倉站附近，同門司港區域等北部嘅市區。
北九州推薦酒店住宿
北九州嘅住宿設施大多位於海岸沿岸同北部嘅市區，位於南部嘅酒店較少。市區嘅酒店多數位於如JR小倉站、JR門司站等主要車站附近。多數旅館嘅房價約1晚5,000至10,000円，其中都有一晚5,000円以內嘅旅館，推薦可以搵前述車站附近嘅酒店，可以搵到較經濟實惠嘅選擇。（2019年7月當前資訊）
去北九州嘅交通資訊
要去北九州觀光，首先可以以JR小倉站為目標。從福岡機場搭西鐵高速巴士，約1個半鐘就到JR小倉站。或從JR博多站乘搭特急列車或新幹線都可以更快到JR小倉站。再喺JR小倉站搭電車、各路線巴士或小倉循環巴士都去到小倉市中心嘅各個旅遊景點。
如從台灣直飛北九州機場
北九州機場嘅國際直飛航班只有來往台灣同韓國。從北九州機場可乘搭機場巴士到JR小倉站，車程約33分鐘。巴士乘車費用為700円。（2019年7月目前資訊）
景點資訊
- 名稱：北九州（JR小倉站）
- 地址：〒802-0001 福岡縣北九州市小倉北區淺野1-1-1
- 交通：福岡機場→[西鐵 高速巴士] 約1小時30分鐘
- Wi-Fi：有提供（Kitakyushu City Free Wi-Fi）
- 語言對應：中文、英文、韓文、泰文
- 可使用信用卡：VISA、MasterCard、JCB、AMERICAN EXPRESS、Diners Club International
Comments