山口縣萩市推薦四大必食美食

山口縣萩市嘅當地美食類種豐富，可以食到日本海捕獲嘅新鮮海產，豬、牛肉等，仲有當地水果。以下為大家介紹萩市推薦必食嘅四種美食！

日本山口縣必食：夏蜜柑

「夏蜜柑」係萩市嘅特產，具有清爽香氣且酸度適中。據聞夏蜜柑源於19世紀，為救濟窮困嘅武士家族而開始栽培。

夏蜜柑喺每年5月份當造。除咗用嚟煮料理，仲有夏蜜柑啫喱、果醬等加工品。

如果想試吓夏蜜柑料理、甜品或果汁，推薦去「萩博物館餐廳」、「城跡Nagao（城跡ながお）」餐廳。價格方面，蜜柑料理大約1,000〜2,000円，甜品、果汁大約600円以下。（2019年7月資料）

海藻係海膽嘅食糧，而山口縣嘅海藻非常豐富，所以亦造就山口成為「海膽」嘅知名產地。萩市嘅漁獲特別豐富，可以捕獲到新鮮優良嘅馬糞海膽、紅海膽等。喺萩市，使用新鮮海膽做成嘅海膽丼飯係好受歡迎嘅美食。海膽入口即溶嘅口感，加上甘甜濃度味道，好食到令人銷魂！

想食海膽丼飯，推薦去「割烹千代」、「季節料理ISUZU（季節料理いすず）」等日本料理店。海膽丼飯價格大約係2,000至4,000円之間，以呢個價格就可以食到豪華料多嘅海膽丼飯，簡直係物超所值呀！（2019年7月資料）

萩市外海捕獲嘅「鯵魚」叫做「瀨付鯵魚」。喺優良嘅環境同充足食糧下成長嘅瀨付鯵魚，含有豐富脂肪，且味道極為鮮美。

由於漁場距離港口唔遠，可以食到非常新鮮嘅「瀨付鯵魚」。其產季為5月至8月，呢段期間捕獲嘅「瀨付鯵魚」脂肪特別豐富！

「瀨付鯵魚」有各式各樣嘅料理方法，從刺身（魚生）、壽司、鹽燒、油炸到香煎都有。

想試吓瀨付鯵魚，可以去日式料理店「懷石料理AJIRO（懷石料理あじろ）」、公路休息站內嘅餐廳「鯖島食堂」等。瀨付鯵魚料理嘅價格方面，午餐從1,000円以下到3,000円以上嘅豪華定食套餐都有，根據餐廳而有所不同。（2019年7月資料）

劍尖槍魷係萩市嘅特產，產季從夏天到秋天。味道鮮甜、感口脆爽。劍尖槍魷有多種料理方式，從刺身、天婦羅、油炒到蒸煮都有，有唔同嘅口感同風味。

供應劍尖槍魷等魷魚料理嘅餐廳，以「萩心海」、「口福的馳走屋梅乃葉」特別出名。劍尖槍魷係高級魷魚食材，定食價格位於2,000至5,000円之間。天婦羅等單點料理，價格則大約1,000円以下。（2019年7月資料）