霧島山有好多行山路線，可以欣賞雄偉嘅大自然景色。霧島山係鹿兒島縣同宮崎縣交界地帶嘅活火山群，亦稱作為「霧島連峰」。最高峰係韓國岳，其次係高千穗峰。除咗群山美景，仲有好多美麗嘅湖沼。
享受霧島山健行
霧島山有好幾條魅力十足嘅行山路線，例如從宮崎縣蝦野高原出發嘅路線、環繞鹿兒島縣高千穗峰嘅路線等。每條路線都可以欣賞霧島壯麗嘅自然景色。
霧島健行注意事項
由於霧島連山活躍嘅火山活動，上霧島山可能會受限制，需要注意一下。另外，越接近山頂，溫度會越低，最好準備足夠嘅禦寒衣物啦。
高千穗峰登山路線
高千穗河原海拔970米，係霧島山南方嘅入口，亦係高千穗峰嘅登山基地。喺登山旺季，登山者同健行者人潮絡繹不絕。高千穗河原嘅遊客中心有休憩室，亦有販售商品。登頂前或落山後，可以順道去埋「高千穗河原遊客中心」，了解一下霧島山嘅大自然環境。山林中設有一個野生動物觀察站，可以睇到棲息於大自然中嘅野生動物。
另外，行經該地區仲可以欣賞到「九州杜鵑」(ミヤマキリシマ）以及各種生長茂盛嘅樹木。霧島山登山沿途，可以睇到略帶紅色嘅登山步道，以及火山口等壯觀景色。另外，山頂有一個「天之逆鉾」，可以睇到日本中世神話中登場過嘅「矛」。
蝦野高原行山路線
從蝦野高原出發嘅呢條路，係攀登霧島連山最高峰「韓國岳」嘅基本路線。從蝦野高原到山頂，高低差520米、全長3,000米，所需時間約1個半到2個鐘。呢條路線嘅登山口位於「蝦野自然生態博物館」旁，經硫磺山抵達韓國岳。過咗硫磺山，從一合目開始後，山路會變得非常陡峭，一直延伸到山頂。呢條路線好簡單、並不複雜。登山沿途，眼前盡是廣闊嘅風景，可以眺望硫磺山、不動池、蝦野高原等等。
去霧島嘅交通資訊
從東京市區去霧島行山區，可以從羽田機場搭飛機去宮崎機場，再從宮崎機場搭巴士到宮交CITY巴士中心轉車去小林巴士中心，喺蝦野高原巴士站落車（宮崎交通巴士嘅運行時間係從4月底到11月嘅星期六及日）。
景點資訊
- 名稱：蝦野自然生態博物館
- 地址：宮崎縣蝦野市末永1495-5
- 交通：宮崎機場→[宮崎交通巴士]約10分鐘→宮交CITY巴士總站→[宮崎交通巴士]約1小時30分鐘→小林巴士中心→[宮崎交通巴士]約50分鐘→蝦野高原
- Wi-Fi：沒有提供
- 語言對應：僅限日文
- 入場費：免費
- 可否使用信用卡：不可
景點資訊
- 名稱：高千穗河原遊客中心
- 地址：鹿兒島縣霧島市霧島田口2583-12
- 交通方式：宮崎機場→[宮崎交通巴士]約10分鐘→宮交CITY巴士總站→[宮崎交通巴士]約1小時30分鐘→小林巴士中心→[宮崎交通巴士]約50分鐘→蝦野高原→[霧島連山周遊巴士]約29分鐘→高千穗河原
- Wi-Fi：沒有提供
- 語言對應：僅限日文
- 入場費：免費
- 可否使用信用卡：不可
Comments