日本鹿兒島縣有各式各樣精采嘅賞櫻景點，例如種有各種櫻花樹嘅地方，又或以霧島山為背景嘅知名賞櫻景點。以下馬上為你介紹鹿兒島推薦必去嘅賞櫻地點！
鹿兒島櫻花季節概要
鹿兒島縣嘅櫻花季節通常係每年3月底至4月頭。有啲地方嘅櫻花比較早開，從二月頭就可以賞櫻。喺櫻花盛開期間，各個賞櫻地點會舉辦櫻花祭等相關活動，吸引好多人去賞櫻。
鹿兒島4月溫度
鹿兒島縣4月份嘅最高溫約為25度，但要小心早晚最低溫有時會低過3度，溫差比較大。
鹿兒島4月氣候
鹿兒島4月份嘅氣候溫暖舒適，越接近下旬時天氣會越來越熱。
鹿兒島4月旅遊穿衣指南
鹿兒島4月份雖然早晚溫差大，但係整體氣溫會逐漸回暖，比較適合著薄長袖。由於早晚較凍，最好準備冷衫或開襟羊毛衫。到4月底，天氣會越嚟越溫暖，日頭有時甚至著短袖都得。
鹿兒島賞櫻推薦必去景點
鹿兒島「觀音池 市民之森」賞櫻
「觀音池 市民之森」係鹿兒島縣嘅熱門賞櫻景點。觀音池周邊種咗染井吉野櫻等好多櫻花樹，一齊盛開時非常壯觀。另外，夜晚仲可以欣賞夜櫻。櫻花季期間通常係每年3月底至4月底，賞櫻人潮絡繹不絕。
鹿兒島「丸岡公園」賞櫻
丸岡公園嘅總面積為27公頃，係鹿兒島縣佔地最大嘅公園之一，亦係當地一大出名賞櫻花同杜鵑花嘅景點。櫻花季期間，園內會有多達2千株櫻花盛開，吸引好多來自各地嘅遊客前來賞櫻。另外，喺呢度仲可以眺望霧島山，係一個絕佳嘅賞花地方！
鹿兒島櫻花祭相關活動
櫻花盛開期間，好多地方都會舉辦夜間點燈或櫻花祭等活動。而流經鹿兒島市嘅主要河川——甲突川嘅河畔每年春天都會有大約500株櫻花盛開，而夜櫻相關活動就會開放到夜晚10點。4月頭櫻花祭期間，會場會設有夢幻夜櫻燈彩、舞台表演，同各種小食攤位。甲突川河畔距離鹿兒島站只有5分鐘路程，係一個交通便利嘅賞櫻熱門景點。
鹿兒島交通資訊
除咗香港有直航到鹿兒島，日本國內例如東京羽田機場都有內陸機去到鹿兒島機場。從鹿兒島機場搭巴士去鹿兒島中央站都係一個鐘，非常方便。
景點資訊
- 名稱：觀音池 市民之森
- 地址：鹿兒島縣市來串木野市湊町1247-3
- 交通：鹿兒島機場→[機場巴士]約60分鐘→JR鹿兒島中央站→[JR鹿兒島本線]→市來站→[的士]約7分鐘
- Wi-Fi：沒有提供
- 語言對應：僅限日文
- 票價：免費入場
- 可否使用信用卡：不可
景點資訊
- 名稱：丸岡公園
- 地址：鹿兒島縣霧島市橫川町上之3201
- 交通：鹿兒島機場→[機場巴士]約60分鐘→JR鹿兒島中央站→[JR肥薩線]約1小時30分→大隅橫川站→[的士車]約15分鐘
- Wi-Fi：沒有提供
- 語言：僅限日文
- 票價：免費入場
- 可否使用信用卡：不可
Comments