位於宮崎縣南部嘅大型高原——蝦野高原標高1,200米。因為自然資源豐富多彩，係縣內首屈一指嘅觀光景點。同時亦係熱門嘅行山地點，有大大小小嘅火山湖分布於高原上。另外，全年都可以欣賞各種稀有植物。
蝦野高原嘅簡介
「蝦野高原」被列為日本地質公園，高原周圍被20多座火山環繞，喺呢度可以了解更多日本珍貴嘅生態系統同地質歷史。喺蝦野高原有好多被列為國家級或縣級天然紀念物嘅珍貴動植物，係個自然豐饒嘅觀光勝地。包含蝦野高原在內嘅霧島被列為「霧島地質公園」，係日本國家公園中最早被列定嘅。除咗20多座火山，仲有火山湖，係大自然嘅寶庫，有好多國家級或縣級嘅天然紀念物，以及瀕危物種嘅動植物。另外，仲有多條適合初學者嘅健行路線同登山步道。因為呢度屬於火山區，溫泉資源都當豐富，登山後可以順道去浸吓溫泉呀。
蝦野自然生態博物館
蝦野自然生態博物館透過照片、影像同立體模型嚟介紹蝦野高原。館內仲可以獲得好多關於蝦野高原嘅觀光資訊，包括繞著水池嘅自然研究路線、健行路線等。入館門票免費，開館時間為09:00至17:00（星期一休館）。
蝦野高原嘅住宿設施
蝦野高原嘅溫泉酒店「國民宿舎 蝦野高原莊」提供源泉掛流溫泉（直接從地底下流進泉池嘅溫泉）。酒店有各種類型嘅客房，包括和室、洋室同和洋室組合風格嘅客房。另外，仲可以一邊享受宮崎縣嘅特色料理，一邊欣賞蝦野高原嘅自然美景添。
飯店資訊
- 名稱：國民宿舎 蝦野高原莊
- 地址：宮崎縣蝦野市大字末永1489
- 交通：宮崎機場→[宮崎交通巴士]約30分鐘→宮崎站→[JR]約２小時26分鐘→蝦野站→[接駁巴士（需預約）] 40分鐘
- Wi-Fi：有提供
- 語言對應：英文
- 可使用信用卡：VISA、JCB
提供蝦野溫泉嘅旅館
蝦野高原地區係該縣嘅主要溫泉地之一，蝦野市內大部份嘅溫泉皆分布於此。有好多公共溫泉浴池，可以登山後或駕車途中順便去浸一浸。仲有各式各樣嘅住宿設施，例如旅館、公寓式酒店，同只供住宿不供餐嘅酒店。其中之一囓白鳥溫泉有「白鳥溫泉上湯」、「白鳥溫泉下湯」，上湯自古以來就係好出名嘅溫泉浴場。特別推薦可以喺露天溫泉浴池欣賞美麗秋葉嘅景色。
去蝦野嘅交通資訊
從宮崎機場乘搭宮崎交通巴士，於宮交CITY巴士總站落車，行去小林巴士中心，轉乘宮崎交通巴士去蝦野高原（宮崎交通巴士營運期間: 4月下旬至11月嘅星期六及星期日）。
景點資訊
- 名稱：蝦野自然生態博物館
- 地址：宮崎縣蝦野市末永1495-5
- 交通：宮崎機場→[宮崎交通巴士]約10分鐘→宮交CITY巴士總站→[宮崎交通巴士]約１小時30分鐘→小林巴士中心→[宮崎交通巴士]約50分鐘→蝦野高原
- Wi-Fi：沒有提供
- 語言對應：僅限日文
- 入場費：免費
- 可否使用信用卡：不可
Comments