日本星期一晚上9點喺富士電視台播嘅日劇稱為「月9」。喺2000年代，月9呢個名牌除左係人氣劇集嘅保證之外，仲係暢銷日劇主題曲嘅出產地。相信有好多人都會注意日劇嘅主題曲同插曲吧。今日我地喺眾多嘅2000年代日劇同埋主題曲、插曲當中，揀咗5首出嚟同大家一齊回顧下，唔知道大家係咪早已經聽得滾瓜爛熟呢？
合作嘅原文總共介紹咗15首歌。所以睇完呢5首之後，仲想要知道其他歌曲嘅話，可以去按文章最後嘅連結。
米希亞MISIA《Everything》／《大和撫子》（2000）
夢想嫁入豪門嘅空服小姐神野櫻子（松嶋菜菜子飾），以為喺聯誼識到嘅中原歐介（堤真一飾）係有錢醫生，喺努力倒追之後，先發現對方只係賣魚郎．．．。一部描繪原本金錢至上嘅神野櫻子卻真心咁愛上咗一個人嘅戀愛故事。
象徵呢個故事嘅主題曲係MISIA所唱嘅《Everything》。為神野櫻子同中原歐介兩人之間那份令人焦急嘅戀愛添上更多氣氛。而呢首歌亦成為MISIA最賣座嘅歌，銷售破百萬。
宇多田光《Can You Keep A Secret？》／《HERO (律政英雄)》（2001）
原本只係個只有初中畢業學歷嘅不良少年，檢察官久利生公平（木村拓哉飾），去到東京地檢署城西分部赴任。久利生公平以破格嘅手法調查案件真相。城西分部嘅檢察事務官雨宮恭子（松隆子飾）等都被佢搞到頭暈眼花。但係隨著劇情嘅發展，大家開始逐漸能了解他所心入面嘅正義…。呢部日劇非常受歡迎，仲推出咗特別篇、第二部，仲有兩部電影版，全部都係大熱作品。
第一部主題曲用咗宇多田光嘅《Can You Keep A Secret？》，續集系列作品亦無改用其他歌曲，一直都係沿用呢首第一部嘅主題曲。
雖然係一部喜劇要素強烈嘅日劇，但劇情都有點出檢察官工作係幾咁嚴肅。喺片尾時播放呢首主題曲，令成部作品增添咗入時入格嘅流行印象。當然呢首歌亦都銷量過百萬。
桑田佳祐《明天好天氣(明日晴れるかな)》／《求婚大作戰》（2007）
岩瀨健（山下智久飾）一直單戀兒時青梅竹馬吉田禮（長澤雅美飾）。參加吉田婚禮，「但新郎不是我」嘅嘅瀨健，後悔自己過去無好好表達對吉田嘅愛意，而係呢個時候謎之精靈大叔（三上博史飾）就出現喺岩瀨健面前，讓岩瀨健回到過去改變現狀。呢部戀愛故事描述後悔嘅岩瀨健穿越時光回到過去，企圖修補同吉田禮嘅關係，打算重新來過。
雖然係一部以年輕人為主嘅戀愛日劇，但返去岩瀨健同吉田禮嘅青春時代，令睇嘅人都懷念過往嘅年少時光，而桑田佳祐所唱嘅主題歌《明天好天氣》，為作品增添溫柔嘅色彩。意味深詳嘅歌詞同桑厚嘅厚聲帶演役，亦加添呢首歌受歡迎嘅要素。
另外，岩瀨健學生時代鍾意嘅BAND嘅歌，係呢部日劇嘅插曲，就係MONGOL800所唱嘅熱門歌《小小戀歌》。
KOH+《親親（KISSして）》／《神探伽利略》（2007）
呢部日劇原著為東野圭吾嘅推理小說。帝都大學理工學院物理學系嘅副教授湯川學（福山雅治飾）受到刑警內海薰（柴崎幸飾）嘅委託，解決一啲難解事件，喺每集單元式完結嘅作品。
呢套人氣作品之後仲推出咗系列作品，包括電影《嫌疑犯Ｘ的獻身》、第二部日劇、同埋電影《真夏的方程式》。
首部日劇嘅主題曲係KOH+嘅《親親》。KOH+係擔任主演嘅福山雅治同柴崎幸所組成嘅團體。作詞作曲都由福山雅治操刀，由柴崎幸擔任主唱。
事件解決嘅過程中，加入好多科學實驗嘅內容，其實都幾曾進知識。而主題曲嘅特徵在於節奏輕快。喺片尾播放，進一步呈現事件解決之後嘅暢快。
Mr.Children《HANABI》／《CODE BLUE (緊急救命)》（2008）
《CODE BLUE(緊急救命)》係一部醫療題材嘅日劇，劇情描述立志成為空中救護醫生嘅藍澤耕作（山下智久飾）、白石惠（新垣結衣飾）、緋山美帆子（戶田惠梨香飾）與藤川一男（淺利陽介飾）４人，同同世代嘅空中救護護士冴島遙（比嘉愛未飾）互相切磋精進醫術，逐漸成長。
呢部日劇一共製作了三季，同一部相隔十年，喺2018年上映電影版。由第一季至最近嘅電影版主題曲，自始至終都係Mr.Children《HANABI》。
歌詞中描繪出登場人物各自懷抱問題糾葛，但仍然努力同生命搏鬥嘅姿態，係一首為觀眾打氣加油，帶有強烈訊息嘅。
想要聽更多2000年代日劇主題曲同插曲，請進：https://filmaga.filmarks.com/articles/2768/
Comments