天龍寺位於京都嵯峨嵐山，係一個風光明媚嘅地方。天龍寺以美麗庭園同天花板上嘅畫作而聞名。於1994年被列為世界文化遺產，吸引日本國內外嘅遊客前往造訪參觀。 今次小編就要為大家介紹天龍寺嘅歷史同特色！
關於京都天龍寺
室町幕府嘅初代將軍，足利尊氏為後醍醐天皇祈福鎮靈，於曆慶2年(1339) 創建臨濟宗嘅禪寺，喺室町時代排列京都五山之首。遭遇8次火災後，現存嘅建築物大部分都曾於明治時代及大正時代重建。但據聞曹源池庭園則保留著700年前創建當時嘅面貌。而喺天龍寺法堂嘅天花板上有由日本名畫家加山又造所繪畫嘅「雲龍圖」。
曹源池庭園嘅看點
天龍寺庭園嘅正式名稱為曹源池庭園，係最早被列為史跡、特別名勝嘅文物。 以嵐山及龜山作為背景嘅池泉回遊式庭園，擺放著白砂與石頭。最大特色係從方丈室望去，曹源池中央正面豎立著兩塊巨岩，意為「龍門瀑布」，典故取自中國「登龍門」，傳說黃河中嘅鯉魚只要跳過龍門 ，就會變化成龍。
天龍寺與竹林
穿過北門就到熱門觀光景點嘅嵯峨野地區，竹林通道係京都具代表性嘅景色之一。茂密嘅青竹高5至10米，小徑長約400米。於5至6月新綠季節隨風搖曳發出「沙沙」嘅大自然聲響。
天龍寺參拜時間及其費用
參拜時間從08:30至17:30（北門開放時間從09:00至17:00)，10月21日至3月20日開放至17:00（北門開放時間從09:00至16:30）。
參拜費用方面，庭園（曹源池、百花苑）為500円；諸堂（大方丈、書院、多寶殿）為300円（庭園入場作另外收費。特別日子會暫停參拜）。
法堂天花板上所描繪嘅「雲龍圖」參觀費用為500円（庭園入場費額外收取），限星期六、日及日本公眾假期可供參拜。開放時間為09:00至17:00（10月21日至3月20日開放至16:00），於春季及秋季有指定期間作毎日開放。
從京都站去天龍寺嘅交通方式
乘搭連結京都站及嵯峨嵐山站嘅JR嵯峨野線電車最方便。於京都站乘搭JR嵯峨野線至嵯峨嵐山後徒步約13分鐘即可抵達。
景點資訊
景點名稱 : 天龍寺
- 地址 : 京都府京都市右京區嵯峨天龍寺芒之馬場町68
- 交通方式 : 京福電鐵嵐山線嵐山站即抵達，或從JR嵯峨野線嵯峨嵐山站徒步約13分鐘，或從阪急電車嵐山站徒步約15分鐘
Comments