彩燈幻景下的京都高台寺

豐臣秀吉嘅妻子「寧寧（音讀Nene、日文為ねね）」為祭祀逝去嘅丈夫而於京都建立高台寺，因此高台寺亦有「寧寧之寺」嘅別稱。於春、夏、秋季節晚間會亮燈，整體瀰漫著幽靜而神秘嘅氣氛。特別以紅葉季節最受歡迎。今次小編就為大家介紹高台寺嘅歷史同特色之處啦。

關於京都高台寺

高台寺位於京都市東山地區八坂神社隔離，係豐臣秀吉嘅正室妻子「寧寧」，為祭祀逝去嘅丈夫而於慶長11年（1606）興建高台寺。正式名稱為「高台壽聖禪寺」，係一座主要供奉釋迦如來嘅禪宗寺院。設有開山堂、靈屋、觀月台、表門等，風格豪華絢麗。

充滿禪宗寺院風格嘅方丈白砂前庭「波心庭」都係必睇景點。以池塘為中心，周圍擺放著石頭及設有茶室嘅池泉回遊式庭園。放射式伸延開嘅屋頂嘅建築風格猶如撐起一把唐傘，因此被稱為「傘亭」。與傘亭以走廊連接嘅「時雨亭」係從伏見城移建過嚟嘅。

靈屋内嘅須彌壇等，以使用優美且嶄新嘅蒔繪技法所畫嘅「高台寺蒔繪」而聞名。

往年，於春天嘅3月頭至5月頭、夏天嘅8月頭至8月中、秋天嘅10月中至12月頭會舉行亮燈活動。點燈時間從日落後至22:00。參拜時間從17:00至21:30。導入獨特嘅光雕投影技術而引起熱潮。

秋天為最佳觀光季節，臥龍池池面猶如一面鏡子，映出色彩艷麗嘅紅葉倒影，瀰漫著夢幻神秘嘅氣氛。連接開山堂同靈堂嘅走廊「臥龍廊」亦散發出有別於日頭嘅氛圍。另外，方丈前庭等地方亦有進行亮燈活動。

參拜時間為09:00至17:30（17:00截止入場），點燈時間延長開放至22:00（21:30截止入場），參拜費用為600円（包括掌美術館）。想參觀哂高台寺、圓徳院、掌美術館的話可以買參拜優惠套票為900円