充滿異國風情嘅長崎平戶酒店推介

位於日本長崎縣西北部嘅平戶，係由包含平戶島在內嘅40個大小島嶼所組成。喺平戶，可以睇到充滿日本風情嘅平戶城同歐陸風嘅教堂並存，係一個處處洋溢著異國風情、日本與西洋文化融和嘅地方，係個受日本國內外旅客歡迎嘅旅遊聖地。今次就為大家介紹平戶嘅住宿推介。

平戶千里濱溫泉酒店蘭風（平戸千里ヶ浜温泉ホテル蘭風）

平戶千里濱溫泉酒店蘭風係一間渡假式酒店，有露天溫泉浴池，可以眺望西九州最大嘅海景。

酒店大部分都係海景客房；有日式、西洋式，亦有內附私人露天溫泉浴池嘅客房，可以依個人旅行風格嚟選擇適合嘅房間。

酒店嘅另一個特色係可以享用中式、西式、日式等各國菜式任食嘅自助式早餐同晚餐。除咗平戶當地嘅美食，仲有日本國產牛嘅燒肉、海鮮BBQ等豐盛又美味嘅料理，非酒精飲品都係任飲㗎。住宿費包哂早晚餐，連早晚餐都唔使煩去邊食！

如果想體驗長崎嘅度假式酒店，呢間仲唔係你嘅首選？

平戶脇川彩陽酒店坐落於日本最早嘅對外貿易港口、處處可見西洋文化與日本文化交融嘅長崎縣平戶市。

呢間酒店嘅特色係海景溫泉。傍晚時分，可以邊欣賞海上夕陽美景邊浸溫泉。或者喺清晨時分浸溫泉仲可以欣賞到海上日出絕景，壯觀到令人感動！

另外，酒店晚餐提供採用當季海鮮食材同長崎和牛製作成嘅懷石料理。可以享用新鮮魚生片、同牛肉鐵板燒等美食。酒店嘅早餐仲可以食到平戶特產—川內魚板等日式料理添！呢間酒店去平戶城、平戶老街玩都比較方便。