日本九州長崎自今年1月起作為多一個香港人直航嘅旅遊目的地，自然越來越來人選擇到長崎旅遊，而且長崎縣內有豪斯登堡、軍艦島、平和公園等富有魅力嘅旅遊景點。所以今次就為大家推介3間長崎嘅酒店啦。
JR九州酒店長崎（JR Kyushu Hotel Nagasaki）
JR九州酒店長崎直接連通JR長崎車站，地理位置佔盡優勢，長崎站四通八達，就算去其他景點玩夜咗都唔緊要，回程到站即上酒店休息！客室以紅、綠色為主要嘅配搭色彩，洋溢中西合壁嘅異國風彩。簡潔嘅客房內提供蓆夢思®（Simmons）床褥，帶給你舒適安眠嘅住宿環境。房型從小型單人房至大型客房都有，無論一人旅行定係同屋企人、朋友都總搵到一間合心水嘅客房！
酒店大堂展示一個巨大嘅南蠻屏風、玻璃工藝品等，可以欣賞得到富有長崎色彩嘅藝術品。
一睡醒可以到與酒店鄰近嘅餐廳食豐富多彩嘅早餐。總共可以從5款和洋式類型嘅套餐中選其一，成個旅程住幾晚就可以每日享用到唔同嘅美食啦！
酒店資訊
- 名稱：JR九州酒店長崎（JR Kyushu Hotel Nagasaki）
- 地址：長崎市尾上町1番1號
- 交通：JR長崎駅直接連通
- Wi-Fi支援：有
- 語言對應：英文
- 可否使用信用卡：可以
長崎競速酒店（Hotel Forza Nagasaki）
人來人往嘅圓拱形商店街前有一座名叫「HAMACROSS411」嘅複合式商業中心，裏面1至3樓為商業用途，而4至11樓為酒店「長崎競速酒店」嘅所在地。住客可以輕鬆落商場行街為一大特色。
客室內除咗提供舒適嘅空間，仲有室內設備都好實用，例如酒店全部房間都有放置按摩設備、附加濕功能嘅空氣清新機等，等你入住酒店唔只係得「瞓一晚」咁簡單！
早餐係以自助餐形式，可以食到日式同西式餐點。當中仲會有「Hicado（ヒカド）」（將肉同蔬菜細切煮熟後加入磨碎嘅番薯而成）同「Sara udon（皿うどん）」等長崎特產、鄉土料理等可以品嚐到！一朝早就以長崎嘅「味道」開始你嘅長崎之旅啦～
酒店資訊
- 名稱：長崎競速酒店（Hotel Forza Nagasaki）
- 地址：長崎縣長崎市濱町4-11 HAMACROSS 411 4F
- 交通：JR長崎站乘搭路面電車，到「觀光通電停」站落車徒步1分鐘
- Wi-Fi支援：有
- 語言對應：英文
- 可否使用信用卡：可以
HOTEL NEW NAGASAKI
Hotel New Nagasaki又係一間鄰近JR長崎車站嘅酒店，而且有機場巴士直達長崎酒店，交通非常方便。作為落腳點出發去其他景點，例如哥拉巴園（GLOVER GARDEN）、出島等長崎市內觀光都好易去到。
酒店客室設計既寬敞又別緻，而且全部房間都有附加濕功能嘅空氣清新機，帶給人舒適安心的住宿空間。雖然係一間時尚酒店，但都可以選擇入住和室客房。就算平時唔鐘意瞓地下，但嚟到日本梗係要試吓瞓榻榻米，感受日本情懷啦。
揀呢間酒店住嘅其中一個特點就係，酒店限定提供俾限定嘅長崎當地美食晚餐。酒店內仲有其他日式、西式、中式嘅餐廳，特別推介日本料理店「錦茶房」，可以食到長崎嘅鄉土料理，如果其他景點玩得太忘我，無時間搵食，咁可以考慮吓酒店嘅餐廳啦！
另外，酒店一樓有日本國內都非常出名嘅「文明堂」、「福砂屋」等商店，咁近唔係唔買長崎知名特產「長崎蛋糕」做手信呀嘛？
酒店資訊
- 名稱：HOTEL NEW NAGASAKI
- 地址：長崎縣長崎市大黑町14番5號
- 交通：JR長崎站旁
- Wi-Fi支援：有
- 語言對應：英文
- 可否使用信用卡：可以
Comments