感受「日本」之旅石川縣金澤推薦酒店3選

自2015年北陸新幹線開通以來，從東京出發去石川縣金澤變得更方便，遊客亦因而增加不少！金澤作為新興日本旅遊目的地，坐擁日本庭園兼六園、金澤21世紀美術館、長町武家屋敷跡等景點，好多好地方值得大家一去！今次就同大家介紹推薦嘅金澤酒店啦！

金澤日航酒店（Nikko Hotels International）

JR金澤站兼六園出口行路就到嘅金澤日航酒店，地理位置非常優越。

以「豪華」為概念設計嘅客房，提供實用性高、功能齊全嘅客房。旅客可以從「時尚（Stylish）」、「舒適（Comfort）」、「奢華（Luxe）」、「套房（Suite）」以上4種類型嘅客房揀選入住。

酒店內有自助式餐廳、日本料理店、壽司店、中國料理餐廳、鐵板燒店等多間餐廳選擇，仲設有酒吧同貴賓室，唔使出酒店都可以搵到食！

自助式餐廳The Garden House（花苑）提供受歡迎早餐「車麩法式多士」等，可以品嚐日式及洋式早餐。

就去呢間酒店住，喺房間欣賞優美景色之餘，再去餐廳品嚐豐富美食啦。

鄰近兼六園、金澤21世紀美術館、長町武家屋敷跡嘅金澤東急酒店，提供多種類型嘅客房，從基本客房到豪華客房都有，應付各個不同需求嘅旅客。金澤東急酒店係一間融合日本傳統氣氛同現代設計風格嘅高級酒店。

餐廳方面，金澤東急酒店除咗提供日式及西式自助式早餐，Marais D'or”餐廳提供提供午餐、晚餐，仲有總店獲得米芝蓮1星嘅金澤代表性料亭，加賀料理「金茶寮」。

喺金茶寮可以品嚐到傳統鄉土料理等日本料理，如果想試吓正宗日本料理同金澤當地嘅鄉土料理嘅話就一定唔可以錯過啦！

金澤香林坊Trusty酒店地理位置都非常好，金澤各大觀光景點同購物景點都喺附近，計劃行程又易啲，交通又方便啲！

酒店客房設計既摩登又時尚，就咁睇已經覺得乾淨企理，咁就可以安心喺舒適嘅環境好好休息返晚啦。

酒店內設有兩間餐廳。「LOBBY CAFE FASCINO」係一間開放式Café，提供自助式早餐及午餐。於下午3點至下午6點仲可以享用由糕點師特製嘅蛋糕自助餐！

「鐵板燒凜庭」係一間喺客人面前即場烹調當地產當造食材嘅鐵板燒餐廳。除咗觀光旅行，酒店內各種服務體驗都為你嘅金澤之旅加分！