日光東照宮係日光旅遊必去嘅景點，係祭祀江戶幕府初代將軍德川家康嘅神社。1999年，以周圍嘅寺廟同神社為中心統稱為「日光的社寺」而被登錄為世界文化遺產，吸引眾多遊客前往朝聖，尋找宏偉嘅神龕同細緻嘅雕刻。去日光旅行，無去過日光東照宮都唔好話自己去過日光呢。
關於日光東照宮
為咗響應德川家康嘅遺願，第二代江戶幕府將軍德川秀忠於1973年建造日光東照宮。 雖然起初只係一個簡單嘅寺廟，但大約20年後，日光東照宮被第三代將軍徳川家光重建為一座華麗嘅建築。 兌換成現時嘅物價貨幣嘅話，花費約400億日元，據報導只係用咗一年零五個月短時間就完成。日光東照宮境內有好多值得一睇嘅建築，例如五層寶塔，三猴，陽門，睡貓同奧宮。 建議大家預多啲時間逐一觀賞呀。
日光東照宮的看點
首先，經過右邊嘅鳥居後，喺左手邊就有一個五層塔。 於1650年由小濱藩（現福井縣嘅地區）嘅藩主酒井忠勝捐贈，但曾一度被燒毀，後來喺文政元年（1818年）重建。建築物向東面方向嘅部份刻上老虎、兔仔同龍嘅雕刻，其實意指德川家康、德川秀忠、徳川家光三位將軍。此外，五層塔高約36米，以約直徑60厘米嘅空心柱向下垂吊，所以就算有地震都唔驚會倒塌。
而第二個看點就係神厩舎上雕刻嘅馬騮。刻畫出人類生命嘅模樣，當中三猴係一定要去睇嘅！三隻馬騮分別以掩口、掩耳、掩眼嘅姿態展示出「非禮勿言」、「非禮勿聽」、「非禮勿視」嘅訓示。因為古時有「猴子醫治馬匹」嘅說法，所以古人當時有喺作為馬房嘅神厩舎治養嘅馬騮嘅習慣。相傳神厩舎上嘅馬騮雕刻就由此得來。
第三個看點就係日光東照宮中最有代表性嘅「陽明門」。呢道豪華且色彩鮮艷嘅門被列為日本國寶。門上有500個以上各種聖人、文人、童孩玩耍等人民生活百態嘅雕刻。因為太有觀賞價值，睇極都唔會厭，所以被稱為「日暮之門」。
仲有仲有，本地堂（藥師堂）嘅嗚龍都唔可以錯過㗎！喺長6米、寬15米、並由34塊檜木板組成嘅天花板上有著一幅巨龍嘅水墨畫，而龍頭下有一2個長方形嘅小拍子木，對合打響後就聽到「堅—！」一聲回音，被形容為好似巨龍嘅哭聲。有機會真係要去試吓，聽吓係咪真係咁似！
去日光東照宮嘅交通方法
從日光站搭世界遺產巡迴嘅東武巴士，車程約11分鐘，於巴士站「表參道」落車後行5分鐘。
景點資訊
- 名稱：日光東照宮
- 地址：栃木県日光市山内2301
- Wi-Fi支援 : 五重塔、寶物館內有免費Wi-Fi
- 語言：
- 提供中、英文語音導覽機。費用為1日500円。
- 可於正門服務處租借。服務時間為4月至10月09:00～16:00、11月至3月 09:00～15:00
- 票價：日光東照宮單獨參拜券1,300円，範圍包含表門、陽明門、拜殿、石之間、東廻廊（睡貓）、奥宮、本地堂（鳴龍）等
- 開放時間: 4月1日至10月31日：08:00～17:00、11月1日至3月31日 08:00～16:00 ※最後入場為關門前30分鐘
- 休息日：全年無休
Comments