古都奈良旅遊 推薦酒店3選

擁有1,300年以上歷史嘅古都奈良，有東大寺等多個被列為世界文化遺產嘅神社或寺廟。身為熱門旅遊勝地嘅奈良，酒店選擇都好多，鄰近奈良世界遺產景點嘅都有。以下要為你介紹喺奈良旅遊推薦嘅酒店3選。

前往奈良各觀光景點都非常方便！以舒適嘅床鋪同美味早餐為魅力嘅「Comfort Hotel Nara」

Comfort Hotel Nara地理位置優越，鄰近電車站。客房配有蟬聯美國銷售冠軍嘅舒達Serta床褥，仲有舒適嘅枕頭，可以幫你一掃一整日旅遊嘅疲累，第二日有足夠精神繼續玩！另外，所有客房都配備加濕空氣清新機，帶給你最舒適嘅住宿空間。

酒店提供免費早餐，內容豐富又美味。另外，沙律、手抓飯、湯品每日更換款式，就算連續住幾晚，每日都可以食到唔同嘅菜色。呢間係好適合以奈良作為觀光落腳點嘅酒店。

酒店資訊

• 名稱：Comfort Hotel Nara
• 地址：奈良縣奈良市三條町321-3
• 交通方式：從JR奈良站步行約3分鐘
• Wi-Fi支援：有
• 可否使用信用卡：可以

提供細膩周到嘅服務、與車站直接連結嘅「奈良日航酒店」

奈良日航酒店可以直通JR奈良站，地理位置非常便利。採用大理石裝潢嘅酒店Lobby典雅大氣，具有作為奈良玄關口相符嘅氣質。所有客房均配備席夢思床褥同羽絨被，等你可以舒舒服服瞓返晚。

早餐可以食到「茶粥」、「柿葉壽司」等奈良縣鄉土料理，仲有由興福寺流傳下來嘅素食湯品或加入酒糟嘅味噌湯「粕汁（かすじる）」，每日固定嘅菜餚以自助餐型式提供。另外，酒店仲設有住客專用嘅大型溫泉浴池，由外到內都帶給你優質細緻嘅服務。

酒店資訊

• 名稱：奈良日航酒店（Hotel Nikko Nara）
• 地址：奈良縣奈良市三條本町8-1
• 交通方式：直通JR奈良站西口出口
• Wi-Fi支援：有
• 語言對應：英文
• 可否使用信用卡：可以

鄰近奈良熱門景點、採用英國皇室御用床嘅「奈良藤田飯店」

「奈良藤田飯店」距離JR奈良站同近鐵奈良站都只係5分鐘路程，去奈良其他熱門景點都非常方便。最近嘅景點—世界遺產興福寺都只係行10分鐘就到，規劃行程就更易啦。酒店總共有六種客房類型，特別推薦位於5樓及6樓嘅雙床房，採用英國皇室御用床，Slumberland斯林百蘭呢個頂級品牌名床，淨係為咗去試吓瞓皇室用嘅床都抵啦！

酒店提供嘅自助式早餐都係呢度嘅特色之一。可以食到各種美味佳餚，例如奈良鄉土料理嘅飛鳥鍋都有，一次過食唒所有奈良特產美食啦！

酒店資訊

• 名稱： 奈良藤田飯店（Hotel Fujita Nara）
• 地址：奈良縣奈良市下三條町47-1
• 交通方式：從JR奈良站或近鐵奈良站步行約5分鐘
• Wi-Fi支援：有
• 語言對應：中文、英文、韓文
• 可否使用信用卡：可以