日本長崎哥拉巴園(Glover Garden) 洋溢異國浪漫情懷嘅世界遺產

哥拉巴園（Glover Garden）係日本長崎縣長崎市內一個昔日外國人嘅舊居。無論係西洋建築物，定係庭園鋪上嘅石板地磚都充斥著異國氣氛，係長崎嘅觀光名勝之一。

哥拉巴園（Glover Garden）作為江戶時代的歷史產物

哥拉巴園（Glover Garden）位於長崎縣嘅一個丘陵地區內，可以俯瞰長崎港嘅絕景。而從江戶時代起留存落嚟歷史建築物充滿國際色彩，係一個貴重嘅景點。哥拉巴園呢個洋式建築群本來建於長崎市內，及後將其復移到昔日外國貿易商人居住嘅地區，作為外國人居留地舊跡而對外開放參觀。

哥拉巴園（Glover Garden）內除咗有外國人舊住宅等具歷史性嘅建築物、長崎傳統藝能會館等可以入內參觀，仲可以去商品店、咖啡店等悠閒地購物，享用餐點。以下為大家介紹哥拉巴園內具特色嘅必去之處。

哥拉巴園內總共有9棟傳統建築物，分別為3棟具150年歷史嘅舊住宅及6棟複製移到此處嘅學校或餐廳等建築物，全部都歡迎訪客進內參觀。特別係被列為國家指定重要文化財產嘅「舊Glover邸」所包括嘅3棟舊大宅最值得一看。利用日本傳統技術建造瓦屋頂，充份表現出日洋建築設計嘅融合，係相當難得一見嘅建築式樣。

但係由於維修工程，「舊Glover邸」直至2021年3月為止都會暫停對外開放，但訪客仍然可以透過外面設置嘅展板了解維修前內部嘅面貌。

純白色男性雕像、帶著小承嘅女性銅像喺哥拉巴園（Glover Garden）內豎立，呢啲係以長崎作為舞台背景嘅世界知名歌劇《蝴蝶夫人》（Madama Butterfly）嘅作曲者—普契尼，同歌劇歌手三浦環嘅雕像。

哥拉巴園四季都有不同花卉燦爛綻放。其中以春天櫻花花開嘅迷人景致最為推薦！以船舶航行交錯嘅畫面作為背景，與滿開嘅櫻花以及傳統建築物構成嘅一幅如詩如畫嘅景色真係好奪目迷人，而且比其他日本地方賞到嘅櫻花景色特別一點，一定能為你嘅旅程留下深刻嘅一幕。

哥拉巴園嘅營業時間由08:00至18:00（最後入園為關園前20分鐘），年中無休。如果有夜間亮燈活動期間的話延長至21:00關園。入場費方面大人610円、中學高中生300円、中學初中生及小學生180円。

要去哥拉巴園可以先從JR長崎站搭長崎電氣軌道嘅路面電車，到「新地中華街」站轉車到「大浦天主堂」站落車。車程約20分鐘。到站後行7分鐘就到哥拉巴園。