總持寺祖院係能登半島旅遊必去嘅景點之一！創建於鎌倉時代，作為曹洞宗嘅中心道場而繁榮起來。總持寺佔地約2萬坪（6萬6000平方米），裡面有好多寺廟建築。另外，春天嘅櫻花同秋天嘅紅葉美景都非常推薦呀！
關於總持寺祖院
總持寺於元亨元年（1321年）由瑩山紹瑾開山創建。此後，作為曹洞宗嘅中心道場而繁榮起來。於日本全國大約有超過1萬6千個末寺。但係明治31年（1898年）發生嘅火災造成大部分建築物被摧毀。總寺於明治44年（1911年）被遷移至橫濱鶴見。之後喺大正時代、昭和時代作為祖院而再度興盛起來。寺院內嘅法堂、山門、佛殿、經藏、僧堂等建築已被登錄為日本國家有形文化財。春天可以欣賞杜鵑花及櫻花，初夏欣賞新綠，秋天可以賞紅葉，一年四季都有唔同風情。
另外，從總持寺步行約5分鐘可抵達禪之里交流館（門票310円），裡面詳細介紹咗總持寺嘅歷史，以及僧侶們修行嘅樣，亦會舉辦各種活動。
總持寺祖院嘅必睇之處
位於寺院入口中央嘅「山門」，係一座高17米、深14米、寬20米嘅「總欅造建築」。龐大嘅體積讓人可以感受到當時威風凜凜嘅姿態。山門樓上祀奉觀音菩薩、五百羅漢等佛像。
另外，喺大正元年（1912年）重建嘅佛殿都係必睇！客殿兼會客室嘅四道障子門（即和室紙門）上嘅「奥之書」，係幕末明治時代嘅劍術家兼政治家—山岡鐵舟嘅書法作品，相當值得欣賞。
於總持寺祖院加嘗試各種體驗
可以喺總持寺祖院參加即日坐禪體驗，由僧人講解坐禪指導及親身體驗坐禪（含參拜費用1,000円、所需時間約1小時），仲有同僧人一齊修行嘅「參禪拜宿」體驗（費用為住一晚連兩餐共6500円）等。另外，午餐提供「精進料理（素食料理）」。價錢方面，只有本膳（第一個托盤呈上的料理）的話係2500円、附二之膳（加上第二道菜）則係3,500円。可以品嚐味增湯汁等湯品、芝麻豆腐、天婦羅、蕎麥麵或腐皮等料理。全部體驗僅限日文，需事先預約。
去總持寺祖院嘅交通方法
從金澤站出發
從金澤站西口乘搭北鐵奧能登巴士輪島線，車程約1小時45分鐘。於巴士站此之木落車，再轉搭「往穴水門前方向」嘅北鐵奧能登巴士，於門前站落車徒步約10分鐘。
從穴水站出發
從穴水站乘搭「往穴水門前方向」嘅北鐵奧能登巴士，車程約45分鐘，於門前站落車步行約10分鐘。
景點資訊
- 名稱：總持寺祖院
- 地址：石川縣輪島市門前町門前1-18-1
- 交通方式：於門前巴士站落車徒步約10分鐘
- 語言：有英文版導覽手冊
- 票價：400円
- 開放時間：08:30～17:00
- 固定休息日：沒有
Comments