石川縣位於日本北陸地區，有山有水，被豐裕大自然環境包圍。除咗大自然景點，石川縣仲有充滿歷史性嘅城鎮同溫泉鄉。受惠於大自然資源，喺石川縣所孕育嘅食材都好豐富，堪稱「食材的寶庫」。
石川縣的基本資料
石川縣而向日本海，地形呈細長型。北部嘅能登半島突出於日本海，而南部有包含白山最高山峰嘅山岳地帶，沿岸平地伸延開來有市鎮街道等，都令石川縣成為一個充滿各種特色，魅力十足嘅縣市。
石川縣各區嘅氣候都唔同，山岳地帶嘅氣溫較低，平地地區較暖和。而能登半能因受日本海影響，冬天寒冷，夏天炎熱。所以去石川縣旅行時要留意去嘅目的地係邊個地區，再揀適合嘅服飾去啦。
石川縣嘅特色同好玩之處
石川縣嘅觀光地區主要分為北部嘅能登半島、南部嘅金澤、白山、加賀，四個地區。每個地區都有唔同魅力，小編就為大家推介每個地區有咩體驗好玩嘅地方啦。
能登半島地區：擁有美麗大自然環境
能登半島受惠於有山大水嘅大自然環境，沿岸有好多名勝景點，例如壯觀嘅廣大梯田風景「白米千枚田」係非常具代表性嘅景點。而且歷史悠久嘅活動祭典，例如有1,000年前承傳至今嘅「輪島朝市」、傳統祭典「Abare祭（あばれ祭）」、「Niwaka 祭（にわか祭）」等，有機會真係唔好錯過呀！
金澤地區：漫步於懷舊日本風情嘅老街
金澤作為城下町而繁榮發展起來，當中有好多充滿日本風情嘅景點，例如「回遊式」風格嘅日本庭園—兼六園、傳統建築物並列嘅東茶屋街等。除咗懷舊景點，仲可以欣賞到現代化嘅建築藝術，例如金澤車站、金澤21世紀美術館等。可以喺金澤感受日本嘅今昔對比。
白山地區：擁有高聳入雲嘅山峰
白山地區擁有作為日本三大名山之一嘅「白山」山峰。遊客可以喺度行山，欣賞高山植物，又可以享受滑雪等冬季活動。另外仲有溪谷、瀑布等天然絕景，又有傳統日本民家並排嘅白峰村、歷史民族資料館、寺廟神社等充滿日本歷史文化嘅觀光景點。
加賀地區：北陸地區溫泉勝地
加賀唔只係石川縣內著名溫泉地，仲係日本北陸地區首屈一指嘅溫泉鄉。加賀地區內有四個溫泉鄉：著名生產九谷燒嘅山代溫泉、位於溪谷山澗嘅山中溫泉、位於柴木潟湖畔旁嘅片山津溫泉，以及北陸地區最古老嘅粟津溫泉。喺各個溫泉鄉都可以一邊漫步於溫泉街，一邊欣賞溪谷、湖畔等大自然嘅美麗風景。
石川縣嘅特產美食及餐廳
石川縣有好多美食，例如有當地特產金澤咖喱、金澤蛋包飯（ハントンライス）等，仲有治部煮、小松烏冬等多年承傳落嚟嘅鄉土料理。另外，能登地區中以大海及山林中孕育出嘅食材，所製作嘅嘢食都非常出名，例如海豚、能登牛等料理。
去到石川縣食當地特產美食，喺主要車站、市中心街道、溫泉鄉附近都有好多餐廳可以選擇！
石川縣中大受歡迎嘅壽司及海鮮丼飯
喺多款石川縣美食當中最受人注目嘅，就係喺日本海所捕獲嘅海產！其中以蟹、赤鯥魚嘅壽司同海鮮丼飯最受歡迎。石川縣嘅金澤、橋立港、輪島港等地嘅漁獲特別鮮甜美味，有機會一定要去附近嘅市場或餐廳，品嚐新鮮捕獲嘅海鮮美食！
石川縣的酒店及旅館
石川縣內唔同地區所分佈嘅住宿設施都有唔同特色。能登半島嘅住宿設施分散於日本海沿岸，有好多提供到海景客房嘅住宿。想住喺金澤的話，JR金澤車站同主要觀光地區附近都有好多酒店，有房價一晚1萬円以下嘅酒店、旅館，亦有高達1萬円嘅高級住宿。而白山地區中，除咗市鎮街道上有住宿設施，山上都有唔少Guesthouse同溫泉旅館。而加賀地區方面，各個溫泉鄉都聚集好多以優質泉水自居嘅溫泉旅館。
石川縣嘅交通資訊
如果想計劃石川之旅，縣內最骨幹嘅機場就係小松機場，現時香港都有直達航班飛到小松機場添。到達小松機場後，只需搭40分鐘特急巴士，就到JR金澤車站，再轉巴士或電車去其他觀光景點都非常方便快捷。
景點資訊
- 名稱：石川縣（小松機場）
- 地址：〒923-0993 石川縣小松市浮柳町ヨ50
- 交通：小松機場→[特急巴士]40分鐘→JR金澤站
- Wi-Fi支援：有 (Komatsu AP Free WiFi)
- 語言應對：中文、英文、韓文、泰文、印尼文、法文、德文
- 可使用信用卡：VISA, MasterCard, JCB, AMERICAN EXPRESS, Diners Club International, 銀聯（根據店舖而定）
Comments