長崎嘅大浦天主堂係日本現存最古老嘅木造哥德式建築，2018年被列為世界文化遺產。大浦天主堂由法國人設計、日本人施工建造。創建時本來係木造嘅，但後來教堂外牆改建成紅磚，但表面以灰泥粉刷成白色，展現日本文化與西洋文化交融嘅獨特風格。
大浦天主堂嘅簡介
大浦天主堂係由法國人傳教士珀蒂讓（Petit Jean）神父喺元治元年（1864年）設計並建造，屬於歐洲中世紀嘅哥德式建築風格。呢座教堂係為江戶時代末期居住喺長崎嘅外國人而建造嘅。係日本現存最古老嘅木造哥德式建築，係日本國寶，更喺2018年被列入聯合國教科文組織世界文化遺產嘅「長崎地區隱藏嘅基督教遺址」之一。
另外，當時日本打壓基督教信仰，但係信徒仍秘密地繼續捍衛信仰長達250年。大浦天主堂落成後，隱匿嘅信徒從浦上嚟到表明自己嘅信仰，承認自己係「基督教信徒」，令呢度成為宗教史上「發現信徒」事件嘅地方。「吉利支丹博物館」（吉利支丹為日本16至19世紀對基督教與信徒嘅稱呼）於2018年4月開館，大浦天主堂嘅「舊羅典神學校」同「舊長崎大主教府」係其中一部份。博物館內展示咗隱匿基督徒嘅相關歷史資料。此外，「Orasho商店（オラショの店）」內有售基督教相關商品。
大浦天主堂嘅特色
第一個必睇嘅特色係教堂內嘅彩色玻璃。教堂內部主祭壇後方嘅彩色玻璃上，繪製咗十字架嘅基督像；另外，教堂內部嘅側廊及高窗上，亦鑲嵌咗美麗嘅彩色玻璃。大浦天主堂經歷咗三次主要修復：1879年嘅改建、1945年毀於長崎原爆並於戰後重建、1990年因颱風遭受損毀後進行修復。所以即使採用相同顏色嘅建築材料，實際呈現出嚟嘅透明度同色彩都會略有不同。
教堂嘅天花板都非常值得欣賞。天花板本來係由石頭砌成，但係而家睇到嘅拱頂天花板，係採用日本古老嘅建築方式：用竹製作框架，透過竹嘅曲線嚟創造曲面，之後再塗上灰泥使其硬化。
另外，大浦天主堂正面入口處豎立嘅「日本之聖母」雕像係慶長元年（1865年），法國為咗紀念喺大浦天主堂內嘅「發現信徒」事件而作為紀念品而贈嘅。天主堂後方嘅鐘樓都係唔可以錯過嘅一大睇頭。呢座2層樓高嘅青銅鐘樓係法國製造，1865年由法國天主教會嘅信徒致贈。現時，鐘樓每天中午12點同夜晚6點會有人敲鐘。
去大浦天主堂嘅交通方法
從JR長崎站乘搭往崇福寺方向嘅長崎市電車，約10分鐘後於新地中華街電車站轉車，搭往石橋方向嘅電車，約10分鐘後於大浦天主堂下電車站落行行5分鐘。從長崎站直接行路到大浦天主堂嘅話，約需35分鐘。
另外，請注意大浦天主堂內禁止影相與錄影呀。
景點資訊
- 名稱：大浦天主堂
- 地址：〒850-0931 長崎縣長崎市南山手町5-3
- 交通方式： 巴士站大浦天主堂下電車站落車步行約5分鐘
- 語言對應：提供英文、韓文導覽手冊
- 票價：1,000円（包含「吉利支丹博物館」門票）
- 開放時間：08:00～18:00（售票截至17:30）
- 固定休息日：沒有
備註：以上照片的拍攝與刊登，已獲得大司教區的許可。
Comments