奈良東大寺一年一度嘅傳統儀式「修二會（亦名取水節）」於每年3月1日至14日舉行，係奈良宣告春天來臨嘅知名盛典之一。呢個祭典儀式擁有1,260年以上嘅歷史，從西元752年開始以來從未中斷過。每年3月1日至14日嘅每個夜晚，都會有僧侶們舉著燃燒嘅巨大「松明」（即火把），喺東大寺二月堂嘅欄杆旁奔走，舉行「御松明點火儀式」。祭典出名到各大報紙電視都會報導，係去奈良其中一個必體驗嘅日本祭典！
關於「修二會（取水節）」
「修二會（取水節）」係天平勝寶4年（752年），由東大寺嘅開山祖師良弁法師嘅高徒「實忠和尚」首創，每年3月1日至14日於奈良市東大寺二月堂舉行。呢個法事，過去係喺每年陰曆嘅2月1日舉行，所以被稱為「修二會」，係象徵宣告春天來臨嘅一場盛會。
修二會分「前行」同「本行」兩個階段，2月20日至28日屬於「前行期」，喺戒壇院舉行，被稱為「別火」；而被稱為「練行眾」嘅僧侶會喺呢段期間暫別平常嘅生活，清淨心身，為「本行」做準備。
到咗3月1日，喺二月堂開始舉行「本行」階段嘅法事。僧侶會喺東大寺二月堂內從來唔對外公開嘅十一面觀音像前，從3月1日到14日反覆進行1日6次法事，代替人們懺悔日常所犯嘅各種過錯，並祈求國泰民安、五穀豐收。喺本行儀式舉行期間，每日夜晚7點過後會敲鐘，由動作熟練嘅僧人（稱作「練行眾」）點燃一支支巨型嘅「御松明」火把，喺二月堂舞台上嘅欄杆外揮舞著火把，祈求國泰民安、五穀豐收直到深夜。
只有3月12日呢一日，「御松明」嘅數量會從10把變成11把，並使用更大嘅「籠松明」火把。一眾僧侶們揮舞巨型火把嘅畫面非常震撼！而且據說如果火把嘅火花濺到身上，就能消災解厄，保佑一整年平安健康，所以吸引咗好多遊客為咗「御松明」而拜訪東大寺。
相關文章
景點資訊
- 名稱：大佛殿、法華堂、戒壇堂
- 開放時間：4至10月：07:30～17:30、11至5月：08:00～17:00
- 休息日：全年無休
景點資訊
- 名稱：東大寺博物館
- 開館時間：4～10月：09:30～17:30（最後入館17:00）、11至5月：09:30～17:00（最後入館16:30）
- 休館日：全年無休（會有臨時休館日）
修二會（取水節）特色
東大寺嘅傳統法事「修二會」，又稱取水節或松明節。「修二會」為期14日，每晚由練行眾點著「松明」（火把），3月12日嘅深夜，從二月堂下方嘅若狹井中汲取供奉十一面觀音嘅「香水」，稱作「取水儀式」。3月12日使用嘅火把稱為「籠松明」，係長達6米嘅竹棒，最前端綁著日本柳杉木嘅葉同枌木、杉木薄板，將火把整成籠目狀，變成直徑1米左右嘅火把。
點去舉行「修二會（取水節）」舉辦場地
從JR大和路線、近鐵奈良線奈良站乘搭市內循環巴士，車程約5分鐘，於巴士站「東大寺大佛殿・春日大社前」落車行5分鐘。或者從近鐵奈良站行約20分鐘。
景點資訊
- 名稱：東大寺
- 地址：奈良縣奈良市雜司町406-1
- 交通方式：請參照上述資訊
- 對應語言：官網有英文版。現場販售外語的導覽手冊（700日圓），有繁體中文、英文、德文、法文、韓文
- 入場費：600日圓、共通票（大佛殿+東大寺博物館）1000日圓
- 開放時間、休息日：各設施不同，詳情請參照上述資訊
Comments