豪斯登堡位於長崎縣佐世保市，係一個重現中世紀歐陸式街道風景嘅主題樂園。被譽為日本三大樂園之一嘅豪斯登堡，園內有多種以最新技術提供嘅室內外遊樂設施、博物館、商品店、餐廳、四間官方酒店等等，近乎渡假村般設施多元化。
豪斯登堡的基本簡介
豪斯登堡佔地152萬平方米，喺廣大嘅園區內，重現中世紀歐陸小鎮風景嘅海濱度假村。一年四季都有不同花卉綻放、夜間點燈及日本首屈一指嘅亮麗大型燈飾、每日舉行嘅現場演奏、表演等娛樂活動豐富充實。有算去幾多次都充滿驚喜又感動，係一個受到注目嘅玩樂好去處。
順帶一提，喺夏天時去豪斯特堡會非常熱，但冬天因為大風又會好凍。好想好好盡情玩，花時間影靚相，就要著留意準備好合適嘅服裝去啦！
豪斯登堡有咩好玩？
豪斯登堡內有好多魅力十足嘅設施，園區又大，又要時間排隊，要一日玩唒成個樂園可能有點貪心。所以我哋就特別推薦啲必去、必玩嘅遊樂設計俾你參考吓啦。
豪斯登堡宮殿及荷蘭街景
豪斯登堡園內有以中世紀歐洲作為主題嘅建築物林立，而當中將荷蘭實際存在嘅宮殿重現嘅「豪斯登堡宮殿」就一定係必去！外觀壯麗唔在講，內部嘅美術館同廣大庭園都係一大睇頭。夜晚亮燈後成條街都充滿浪漫氣氛，淨係散步都令人難忘。
集合約20種VR遊樂設施 一次過盡情玩！
豪斯登堡作為主題樂園，仲有好受歡迎嘅刺激娛樂設施！喺全樂園總共50類遊樂設施當中，最最最推薦去玩嘅就係VR嘅設施！例如有世上最長最高速嘅VR過山車體驗、「一飛衝宇宙去」嘅反轉笨豬跳等等情景。咁剌激嘅內容，唔係VR嘅虛疑世界入面都玩唔到呢！
「鬱金香祭」賞花等季節性活動
長崎一年四季分別，所以豪斯登堡都會因應季節而舉辦唔同活動。例如春天有「鬱金香祭」、冬天則有「大胡蝶蘭展」等等，各時期去豪斯登堡都睇到唔同種類嘅花卉放花，大放異彩。色彩繽粉嘅花田，配上中世紀歐陸風情嘅街景，夢幻得令人陶醉。
除咗賞花，其他仲有最多發2萬以上煙花嘅「花火大會」、園內晚間大型燈飾展示等各種非常吸引嘅活動都等緊你去！
豪斯登堡的餐廳及美食
豪斯登堡有各種日式、洋式、中式餐廳分佈喺園內不同位置。當中有賣「長崎Champon」、「土耳其飯」等等長崎當地特色美食嘅店舖都好多。而「奇特餐廳ROBOT」、「Miffy Café」等餐廳，無論小朋友定係大人都會鐘意嘅啫！
豪斯登堡內或附近嘅酒店、旅館資訊
豪斯登堡園區內總共有4間酒店，提供旅客不同需求。而樂園周邊都有好多可以望到豪斯登堡景觀嘅酒店設施選擇。
而日式旅館方面，雖然豪斯登堡附近地區都無，但係其中一間官方酒店「Henn-na Hotel」則有提供和室客房，如果一嘗入住日本風情嘅房間，都可以揀呢間酒店嘅和室呀。
豪斯登堡嘅營業時間及門票
豪斯登堡年中無休。營業時間雖然因應季節時期而有所不同，不過基本上都係朝早9點至夜晚10點。去之前記得上官網Check清楚先啦。
必須購買門票才可進園。大人一日門票為7,000円，喺官網上預先買票都得㗎。（2019年6月時資料）
去豪斯登堡嘅交通方法
最近嘅車站係JR豪斯登堡站（日文為JRハウステンボス駅），行過去樂園入口都係5分鐘。如果從長崎市出發的話，就喺JR長崎站搭「JR海岸快速列車（JR快速 シーサイドライナー）」，需時約1時間30分鐘。如果從福岡搭去JR豪斯登堡的話，就喺JR博多站搭「特急豪斯登堡行（日文為特急ハウステンボス行き）」列車，需時約1時間50分鐘。
景點資訊
- 名稱：豪斯登堡（ハウステンボス）
- 地址：〒859-3292 長崎縣佐世保市HUIS TEN BOSCH町1-1
- 交通：JR豪斯登堡站步行約5分鐘
- Wi-Fi熱點：有（一部份酒店可使用）
- 語言支援：中文、英文、韓文
- 購票方法：樂園售票處、便利店
- 可否使用信用卡：VISA, MasterCard, JCB, American Express, Diners Club International, 銀聯
Comments