長町位於日本石川縣嘅金澤市內，係一個傳統嘅武家屋敷遺跡，即係古代日本武士居住嘅地區。除咗可以睇到具歷史性嘅建築物，現今仲開咗好多餐飲店、特產手信店等，金澤旅行時去呢條別有日本風情嘅老街散吓步，食吓嘢，買吓手信都唔錯呀。
金澤市長町嘅簡單介紹
喺長町有著古代時遺留下來嘅土牆、石板小路同壯麗嘅武家屋敷等歷史遺跡，而且被指定為傳統環境保存區及景觀地區，仍然保留著充滿日本風情嘅景觀。冬季尾聲融雪時，附喺土牆上嘅雪同結冰會連同壁面一齊剝落，為咗防止對土牆嘅損壞，每年12月初到3月中就會用乾稻草將土牆覆蓋起嚟，呢個畫面都好特別。喺呢個時期，呢一度，先可以睇到㗎。
金澤長町嘅特色、必睇之處
去到長町，當然唔係淨係行老街感受武士文化啦，仲有一啲對放開放嘅歷史建築物可以參觀，就等我哋為大家推介一下長町必去嘅地方啦。
傳統老街上遺留下來的武家屋敷跡
喺長町有以前日本武士居住嘅房屋遺留下來，其中有對外開放嘅。例如「武家屋敷野村家」係一個可以入內參觀其茶室、庭園嘅地方，仲有設置資料博物館，可以觀賞到野村家武士嘅刀劍、書信文物等展示品。
另外，仲可以去「舊加賀藩士高田家跡」參觀內裏嘅日本庭園同「長屋門」，呢個係一個建於一間細長型日式長屋中央嘅門。
呢啲傳統嘅建築物與日式庭園內水池同花草樹木相映成趣，構成相當美麗嘅景色。
老舖紀念館等展示珍貴歷史文物嘅博物館
長町仲有老舖紀念館、足輕資料館等展示珍貴歷史文物嘅景點。例如喺前田土佐守家資料館可以觀賞到代代相傳嘅古代文獻、古時武將嘅武器、書畫等，透過鑑賞呢啲歷史資料，仲可以了解更多有關17至18世紀時日本高級武士嘅歷史同文化添。
長町嘅餐廳
長町附近有各式各種嘅食店。從長町行至繁華購物區嘅香林坊，沿鞍月用水（河流）有各種餐飲店林立，例如有「割烹」日本高級料理餐廳、鄉土料理店、咖啡店等。
長町嘅酒店、旅館
長町附近有好多住宿設施可以選擇，酒店、旅館、Guesthouse都有，特別以酒店最多，從價錢實惠嘅東橫Inn，到一般都市酒店嘅金澤New Grand酒店都有。
而且喺長町地區嘅觀光景點附近行入大街，沿路上都有住宿設施。
金澤去長町嘅交通方法
喺金澤出發的話，喺JR金澤站搭當地巴士或者觀光巴士都得，有多條巴士路線可以搭，當中最方便係「城下町金澤周遊巴士（城下まち金沢周遊バス）左行路線」或者「兼六園Shuttle（兼六園シャトル）」。搭10分鐘巴士去到香林坊巴士站落車，再行5分鐘就到長町。
景點資訊
- 名稱：長町
- 地址：〒920-0865 石川縣金澤市長町
- 交通：從香林坊巴士站步行5分鐘
- Wi-Fi支援：有（KANAZAWA FREE Wi-Fi）
- 語言對應：中文、英文、韓文
- 可使用信用卡：VISA, MasterCard, JCB, AMERICAN EXPRESS, Diners Club International, 銀聯（根據設施而有所不同，以實際情況為準）
Comments