能登半島位於石川縣，係一個受海洋及山林大自然恩惠嘅地區。海洋同農村嘅景觀美麗、自然環境孕育出嘅美食都好多。另外，溫泉區、水族館、傳統工藝館等觀光景點都非常充實！
能登半島的簡介
能登半島係位於石川縣北部、突出於日本海嘅半島。擁有自然景觀、農林水產業、飲食文化、傳統工藝等多種魅力而受到高度評價同喜愛，「能登里山里海」地區更被列為世界農業遺產。
能登半島嘅氣候同觀光季節
能登半島嘅氣候相對溫和，係一年下來降雨量都算多嘅地區。特別係冬季多雨，仲會降雪，天氣寒冷。所以如果要到能登半島觀光，推薦喺氣候溫和嘅春季至秋季為佳。但如果想品嘗鮮甜蝦蟹等能登半島嘅名產美食，冬季嚟就可以拆餐勁嘅！
能登半島嘅好行好玩之處
能登半島嘅觀光景點可分為3個區域：與能登半島大陸相連嘅地區為「口能登」、半島中央嘅「中能登」以及半島突出於大海嘅地區「奧能登」。今次小編就為大家介紹各地區嘅推薦必訪景點啦！
能登半島之口能登地區
「口能登」係指能登半島與大陸相連嘅下半部份地區。呢個地區有千里濱海岸同能登金剛等自然景勝地。其中推薦必訪嘅係能登金剛海岸。險峻嘅懸崖同海浪拍打海岸，形成珍奇形狀嘅奇岩等鬼斧神工嘅大自然作品都好值得欣賞。特別係「機具岩」，睇起嚟好似依偎而立嘅兩座超過10米高嘅岩石。以注連繩相連，佇立嘅樣神聖莊嚴。此外，喺傍晚時分，夕陽西山落下於兩個岩石之間，景色美得令人屏息！
能登半島之中能登地區
中能登位於能登半島嘅中央地區。有溫泉設施同水族館等受歡迎觀光景點。喺和倉溫泉除咗有提供不附住宿嘅共浴溫泉設施之外，仲有多個可以免費泡浸足浴嘅設施。當中仲有可以邊浸腳，邊眺望眼前雄偉壯觀嘅大海美景嘅地方，一舉兩得。
另外，喺能登半島本島經能登大橋連接我到嘅能登島上，仲有能登島水族館同能登島玻璃美術館等觀光設施，都相當推薦㗎。
能登半島之奧能登地區
奥能登位於能登半島北部地區。呢片土地有著自然景觀同傳統工藝等多姿多彩嘅魅力。喺眾多自然景觀景點當中，以白米千枚田最出名。背景為一片蔚藍大海，超過1,000塊嘅梯田延綿形成一幅雄偉壯觀嘅景色。
另外，喺輪島切子燈籠會館內，展出各種大大小小嘅「切子燈籠」，喺能登嘅傳統祭典「輪島大祭」當中仲會抬出巨型燈籠御神燈。呢啲切子燈籠裝飾精美，最大型嗰個仲高超過10米添！嚟得呢度真係唔可以唔去感受一下切子燈籠御神燈嘅魅力呢！
能登半島嘅美食＆餐廳
能登半島係一個以海鮮、蔬菜、能登牛等聞名嘅美食寶庫。於能登各觀光地區有多間提供能登美食嘅餐廳，主要分佈於JR羽咋站、JR七尾站等主要車站周圍附近。
能登半島係海鮮、蔬菜、能登牛等美食嘅寶庫，呢啲都係能登半島引以為豪嘅美食，可以喺各個觀光地區嘅飲食店品嚐得到。其中有好多餐廳聚集喺JR羽咋站、JR七尾站等主要車站附近。
使用大量能登半島名產食材製造嘅「能登丼」
想盡情享用能登半島嘅名產美食，推薦種類豐富嘅「能登丼」，有「能登牛排丼」、「輪島河豚丼」、「海鮮丼」等款式。分量充足嘅原創丼飯係去能登半島必食嘅推薦美食！
能登半島嘅酒店、旅館住宿
能登半島嘅住宿設施都唔少。大部份分佈喺沿岸地區，種類有酒店、日式旅館、民宿等等各式各樣。其中更以「和倉溫泉」同「輪島溫泉」等溫泉鄉提供嘅眾多溫泉旅館可供旅客下榻入住日本傳統旅館。
出發去能登半島嘅交通方法
從JR金澤站搭特急列車約1個鐘就可到JR七尾站。之後再喺JR七尾站搭「能登鐵道」電車或巴士等都可以去到附近景點。
景點資訊
- 景點名稱：能登半島（JR七尾站）
- 地址：石川縣七尾市御祓町イ−28−2
- 交通方式：從JR金澤站乘搭特急列車約1小時抵達
- 是否提供Wi-Fi ：有（各公路休息站及其中部分住宿設施有提供）
- 對應語言：中文、英文、韓文
- 可使用信用卡：VISA, MasterCard, JCB, AMERICAN EXPRESS, Diners Club International
Comments