輪島：石川縣能登半島北部嘅大自然之地

輪島位於石川縣能登半島嘅北部，係被一片綠野及汪洋包圍嘅地區。擁有代表輪島嘅輪島塗等工藝、神聖祭典行事等充滿傳統文化色彩為一大特徵。

輪島的簡介

輛島係喺能登半島北部，被稱為「奧能登」嘅地區之中。面向日本海，市內大多是丘陵地帶或山地，造就好多大自然觀光美景，山地海洋孕育出嘅食材亦非常豐富。而且輪地嘅溫泉都非常出名，行喺市區街道上都可以搵到好多足浴、溫泉旅館等設施。

喺輪島有多樣魅力十足嘅大自然景點、寺廟神社、傳統祭典等適合觀光旅遊嘅景點。小編就為你介紹，去得輪島，有啲地方一定要去！

喺輪島，沿海岸線有雄壯嘅嘅懸崖峭壁，仲有瀑布、梯田等大自然絕景。特別以白米千枚田最喺奧能登嚟講最有代表性。面向日本海嘅梯田，係由1,000塊伸延至海岸嘅小田拼湊而成，放眼一大片梯田非常壯觀美麗。

不同季節都可以欣賞到不同景色。首先夏天插秧後，一束束青蔥翠綠嘅新苗，背後配上蔚藍汪洋大海，畫面美得震撼人心。到秋天時，遍野稻秧將大地染成金黃色。到收成時夜晚更會將排於稻田之間嘅超過20,000個LED燈飾點亮，營造出一個如夢似幻嘅氣氛。

輪島嘅祭典同朝市（朝早市場）等都好有歷史性，係由好多年前承繼至今嘅傳統活動。例如輪島朝市係已經有1,000年歷史，一直承傳落嚟到而家仲有舉辦。朝市係每日朝早8點至12點開放，有200間商店排列，擺賣輪島塗等工藝品、蔬菜、海產、農產等多種物品。

到夏天時，各地會舉辦傳統祭典，最特別莫過於喺市中心街道上舉行嘅夏祭—輪島大祭。祭典經間，會有當地居民捧著由漆器製成嘅豪華切子(KIRIKO)燈籠巡遊，氣勢如虹嘅演出令人熱血沸騰。

輪島港口捕獲返嚟嘅漁量多，河豚等新鮮海產製成嘅壽司、海鮮丼飯都非常出名。喺輪島嘅市中心都有好多餐飲店可以食到呢啲海鮮料理。

輪島嘅酒店多數集中喺市中心。類型有酒店、旅館、民宿等唔同選擇。而且有輪島溫泉，都有唔少以溫泉自居嘅日本旅館同民宿㗎。

如果去輪島玩，首先要去到「道之站輪島（道の駅輪島）」巴士總站先。可以喺JR金澤站搭特急巴士，約2個鐘就到。之後再喺「道之站輪島（道の駅輪島）」搭當地巴士或「Noranke Bus（のらんけバス）」去遊輪島各個景點。