去金澤旅行，想行老街感受日本傳統氣氛，又想行街買衫、買日本產商品，又想買金澤當地嘅特產同手信喎，去邊好？呢篇文章就為你介紹去金澤可以去邊度行街，盡情買買買！
去近江町市場，買金澤新鮮特產
近江町市場從1700年代起就支撐著金澤嘅飲食文化，被視為「金澤市民的廚房」，相當具有歷史。約180間商店聚集於此，除咗有賣新鮮嘅海產、仲有日本當地產嘅蔬菜、水果、零食等各式各樣食品。但係當中最受歡迎嘅手信，原來係石川縣沿岸撈捕上嚟嘅魚加工而成嘅魚乾！晒乾後嘅魚乾可以保存耐啲，食起嚟別有一番風味。
如果你打算喺近江町市場買當地魚乾名產，推薦可以去魚乾專賣店「石丸食品」或創業約140年歷史嘅「大松水產」等商品豐富嘅商店選購喔。
- 延伸閱讀：金澤近江町市場 食海鮮美食必去！
景點資訊
- 名稱：近江町市場
- 地址：〒920-0905 石川縣金澤市上近江町50
- 交通方式：距離JR金澤站徒步約15分鐘。從JR金澤站東口搭北陸鐵道巴士或城下町金澤周遊巴士，喺武蔵ヶ辻・近江町市場站落車後即可抵達
- Wi-Fi支援：有（KANAZAWA FREE Wi-Fi）
- 語言應對：中文、中文（依商店而定）
- 可使用信用卡：VISA, MasterCard, JCB（依商店而定）
去金澤東茶屋街，買日本傳統特色商品
東茶屋街誕生於1820年，係一條歷史悠久嘅茶屋街。兩排盡是日式木造窗門為特色嘅建築物，加上綿延嘅石板路，畫面超級「日本」！相當美麗迷人，充滿懷舊情調。老街景觀亦被列為國家重要傳統建築物群保存地區，可以講係代表金澤嘅嘅知名觀光景點之一。
茶屋街中有保留當初建築物原始風貌嘅「茶屋」，或者有精選日式和菓子、傳統工藝品、日用雜貨等嘅商店，另外仲有將町家古民宅裝修翻新過嘅咖啡店等，有多間商店林立。其中推薦可以去買到金澤特色紀念品嘅商店，例如「箔一」、「金澤東茶屋街 漆器直賣所」以及「中田屋」等等。
景點資訊
- 名稱：東茶屋街
- 地址：〒920-0831 石川縣金澤市東山
- 交通方式：距離JR金澤站徒步約10分鐘。從JR金澤站東口搭北鐵巴士至橋場町站落車後徒步約6分鐘
- Wi-Fi支援：有（KANAZAWA FREE Wi-Fi）
- 語言應對：英文（依商店而定）
- 可使用信用卡：VISA, MasterCard, JCB（依商店而定）
去金澤百番街及名鐵・M'ZA百貨公司等購物商場血拼！
去到日本，梗係要去Shopping買日本品牌服務、日本精品雜貨、藥妝品啦！唔使驚，金澤都好好行！JR金澤車站附近有金澤百番街、名鐵・M'ZA百貨公司、金澤FORUS等幾個購物商場。
金澤百番街同名鐵・M'ZA百貨公司入面以手信店比較多。金澤百番街有名為「Anto（あんと）」嘅手信、紀念品店同美食館。喺呢度可以買到石川、金澤嘅特色甜點，例如「金鍔燒」同「味噌饅頭」等和菓子，仲有「金箔」同「九谷燒」等傳統工藝品都有。館內商店陳列著種類多元化嘅商品供遊客選購。而喺名鐵・M'ZA百貨公司就可以買到金澤嘅日式和菓子。其中「森八」同「柴舟小出」係出名嘅老牌和菓子店嚟㗎，唔好錯過啦～
Comments