興福寺係古都奈良嘅代表性觀光景點之一，以國寶「阿修羅像」最著名。另外，興福寺仲擁有好多日本國家認定嘅國寶同重要文化財產，日本國內約17％嘅國寶佛像都保存喺呢間寺廟內。興福寺境內嘅五重塔係奈良嘅象徵。本文將為大家介紹呢間寺嘅歷史同必睇之處，去參觀之前可以參考一下呀。
興福寺嘅簡介
興福寺係銅3年（710年）平城遷都時，飛鳥時代嘅政治家藤原鎌足之子「藤原不比等」為當時平安時代貴族藤原氏所興建嘅家寺，亦為聖武天皇同藤原不比等個囡ー光明皇后建立咗佛堂、佛塔等建築。中世紀時，繁榮興盛嘅興福寺，擁有支配大和國（現今奈良縣）嘅強大勢力。興福寺嘅建築雖然經歷多次火災受損，但係後來以奈良時代嘅建築風格成功重建，係一座保留咗奈良時代建築特色嘅寺院。另外，供奉本尊藥師如來坐像嘅「東金堂」、興福寺嘅中心ー2018年修建完成嘅中金堂都係必遊。
興福寺嘅必睇特色
第一個必睇嘅係國寶館入面嘅「阿修羅立像」。2009年喺東京國立博物館公開展示時，參觀人次將近94萬人，要排一個鐘先可以睇到，係日本全國人氣非常高嘅佛像。
「阿修羅」係佛教嘅保護神「八部眾」之一。興福寺嘅「阿修羅立像」有三頭六臂、面帶憂鬱悲傷嘅神情，係奈良時代嘅傑作，被日本政府指定為國寶。值得注意嘅係阿修羅右側嘅臉呈現嘅係撅嘴、若有所思嘅表情。正面嘅臉部微微皺眉、略帶憂愁迷惘之神情。阿修羅像嘅第一組雙手合掌，第二組嘅左右手分別持有太陽、月亮；第三組雙手拎著寶矢、寶弓，呈現守護佛陀嘅姿態。
第二個必看嘅係奈良嘅象徵「五重塔」，高50米，係僅次於京都東寺嘅日本第二高古塔，被列為國寶。
去興福寺嘅交通方法
從JR奈良站搭乘奈良交通市內循環系統巴士，車程約5分鐘，於巴士站縣廳前站落車即達。
景點資訊
- 名稱：興福寺
- 地址：〒630-8213 奈良縣奈良市登大路町48番地
- 交通方式：請參考上述資訊
- 對應語言：官網有繁體中文、簡體中文、英文、韓文。除咗國寶館之外，有提供英文導覽手冊。
- 票價：興福寺國寶館700円（國寶館・東金堂聯票900円）、東金堂300円、中金堂500円
- 開放時間： 09:00～17:00（最後入館為16:45）
- 休息日：全年無休
Comments