位於石川縣能登半島羽咋市嘅氣多大社，自古以來作為北陸地區著名大社係一間受國家尊崇重視、具有歷史地位嘅神社。社內供奉結緣神——大己貴命神明（於出雲大社被稱為大國主神嘅神明）。作為姻緣神社，氣多大社亦曾多次被女性雜誌等報導及介紹。另外，因名稱含有「氣」一字，被認為係一個聚集靈氣嘅地方，因而吸引來自各地嘅遊客慕名而來。
氣多大社係?
氣多大社位於能登半島羽咋市北部，面向日本海。社內供奉嘅姻緣神大己貴命傳聞於開拓發展能登半島後，作為守護神而留守當地。內裡5棟社殿被列為國家指定重要文化財。而神社旁嘅一片森林，係除咗最高神職地位嘅宮司之外，其他人都不可內進，亦被稱為「禁止進入的森林」。另外，宮司每年亦只能進入1次「禁止進入的森林」進行奧宮嘅神事，而且進入時必須蒙住雙眼，真係好神秘喔～
氣多大社嘅國家指定重要文化財
氣多大社中被登錄為國家指定重要文化財嘅分別有，以正宗傳統技術所建造嘅神門、舉行姻緣祈願嘅拜殿、以日本國內罕見構造所建築嘅正殿、氣多大社正殿兩側嘅若宮神社、白山神社5個地方。
喺國家天然紀念物「禁止進入的森林」中祈願
「禁止進入的森林」被定為國家天然紀念物，係一片面積約有2萬6299平方米嘅原始森林。森林裡面有一個奧宮，供奉著姻緣神大己貴命同幫助除厄運及開運嘅素盞鳴尊等神明。因為此地係由400多年前起禁止入內嘅神聖區域，所以平時一般參拜者係無法入內參拜。不過於2019年12至2020年2月期間，「禁止進入的森林」作首次開放，參拜者可於此期間穿著西裝等正式服裝，於社內嘅遙拜所進行參拜。 （詳情請於官方網站確認）
另外，「禁止進入的森林」與太玉神社附近有一個寫有「結神苑」（むすび神苑）嘅大石頭，據聞只要喺上面放上小石頭許願嘅話，就可以為姻緣作更進一步嘅祈願喔。
氣多大社係日本著名嘅結緣神社
氣多大社所供奉嘅大己貴命神明，即島根縣出雲大社所祭拜嘅大國主大神，作為結緣神而遠近馳名。令眾多遊客前往參拜、祈求姻緣。據聞多達約7萬人以上寄信到大社報願望成真。另外，每年都會舉行各種各樣嘅活動與祭典。
人氣結緣祭典：「一日結緣祭」
毎月1號舉辦嘅「一日結緣祭」（ついたち結び）係於拜殿舉行神樂祈禱嘅月次祭（每月舉辦嘅神事）。 月次祭無需事先申請，只要喺每月1號上午8點30分之前到達嘅首100位人士即可參加。喺國家指定重要文化財嘅拜殿，神主將參拜者嘅願望配上神樂詠唱成祝詞進行祈願。之後，可以欣賞巫女優雅嘅舞蹈，仲會向神明供奉「玉串」（帶葉嘅楊桐樹枝）。從08:30到16:00之間可以免費祈求姻緣，無法親自前往參拜嘅人亦可以透過電郵將願望發到神社，喺祭典結束後一星期內，神社會將你嘅願望掛於本殿。
氣多大社具有代表性嘅傳統活動：平國祭
對於氣多大社嚟講，「平國祭」（又稱為御出祭）係相當重要嘅一大祭典。「平國祭」係於每年3月18號至23號呢6日5夜所舉行，約50人員參與巡遊嘅神事。以神馬（神明坐騎嘅祭事用馬）帶頭，跨越「羽咋市、羽咋郡、鹿島郡、七尾市」，總共行走約300公里。「平國祭」作為大規模嘅渡禦祭之一，喺日本全國各地都備受矚目。
被指定為重要無形民俗文化財嘅鵜祭
每年12月16號淩晨所舉行嘅神事。16號前，被稱為「鵜捕部」嘅3名居民會喺七尾市嘅鵜浦町活捉鵜鳥，之後會用上3日時間，步行40公里將其送至氣多大社。鵜鳥從被捕獲嘅瞬間開始，會被視為神明，被稱為「鵜樣」。
然後，於12月16日淩晨3點開始，會喺神社進行吟詠祝詞、撤供等祭典。另外，自古以來就會將鵜鳥放於神前，根據其動作占卜第二年吉凶嘅習俗。而祭儀過後，鵜鳥會於海岸釋放。
氣多大社嘅攝影婚禮更成為外國人嘅人氣熱話
因為氣多大社供奉著姻緣之神，所以唔少情侶會特地前往舉行婚禮。令人感到意外嘅係，包含新郎新娘嘅和服、首飾出租、髮型化妝、接送、影相等一條龍服務，其收費都只不過係15萬日圓！據聞有唔少亞洲地區人士，會特地前往氣多大社舉行婚禮喔。
從金澤前往氣多大社嘅交通方法
於「金澤」站乘搭「往七尾方向」JR石川鐵道線，約60分鐘後於羽咋站落車，轉搭「往富來方向」嘅北鐵能登巴士，約10分鐘後於「一之宮站」落車，徒歩約5分鐘。
景點資訊
- 名稱：氣多大社
- 地址：石川縣羽咋市寺家町Ku 1-1
- 交通：從「羽咋站前」乘搭「往富來方向」嘅北鐵能登巴士約10分鐘，喺「一之宮」巴士站落車之後，徒步約5分鐘
- 門票：免費
- 參觀時間: 08:30-16:30
- 休息：無休
- 可對應語言：官方網站有英文、德文、法文、中文（繁體字＆簡體字）、韓文
- 官方網站： https://keta.jp/history/
氣多大社係日本首屈一指嘅結緣神社。除咗可以去祈求良緣到來，有計劃舉行婚禮嘅人士，小編都推薦親身到訪氣多大社，體驗一番喔！
Comments