歷史悠久嘅金澤曾作為金澤城城下町而繁榮起來

金澤，曾經因作為以金澤城嘅城下町而興盛繁榮，係一個至今仍保留傳統建築風貌、歷史悠久嘅城市。此外，坐立於近山近海地理位置嘅金澤，可以採獲各種新鮮海鮮食材，而於「美食之街」品嚐用當地食材所製作嘅料理都非常出名。

關於金澤市

金澤係石川縣縣廳所在地嘅城市，係一個具歷史及濃厚傳統文化色彩嘅地區。有多個保留著城下町風貌嘅老街同歷史建築物、日本庭園等仍然保留至今。另一方面，亦有現代美術館等前衛先進嘅藝術同建築等，有多個看點亦係金澤嘅魅力所在！

金澤雖有相對較為溫和嘅氣候，但亦係年中雨量多嘅地區。此外，夏季濕熱，冬天亦會凍到落雪嘅程度。所以想去金澤觀光的話，推薦氣候比較溫和嘅春季及秋季為佳。不過，金澤嘅冬天以盛產蟹而聞名，所以如果以美食為主嘅旅遊，冬天都係一個唔錯嘅選擇呀，又可以睇雪景呢。

金澤有新舊各式各樣嘅觀光景點，以下要為大家介紹幾個精選推薦景點。

金澤以金澤城公園為首，擁有多個歷史性景點。例如兼六園係一個佔地廣闊嘅日本庭園，可以欣賞到四季不同嘅花草樹木，倒影入池塘嘅風景，加上日式燈籠、木橋等，風景及環境優美嘅景點非常多。

另外，「長町武家屋敷」係一個有具歷史性嘅建築物林立嘅地區。對日本古代有興趣嘅朋友不妨嚟呢度，欣賞吓由泥墻、石階嘅豪華武士房屋等，喺具日本風情嘅老街散散步啦。

喺金澤有多個美術館，無論現代藝術定日本傳統藝術都可以接觸得到。作為現代藝術景點嘅金澤21世紀美術館非常出名。館內展出各種獨特嘅現代藝術品，適合影相打卡，係金澤首屈一指嘅人氣觀光景點。另外，安江金箔工藝館可以鑑賞到以金澤傳統工藝品「金箔」所製作嘅藝術品。艷麗光輝嘅金箔，令藝術品顯得豪華絢麗。

金澤內有市場、茶館街等，聚集眾多店鋪嘅購物景點。例如，近江町市場係一條內有多間店鋪賣從日本海捕獲嘅新鮮魚類，仲有當地自家產嘅蔬菜等嘅商店街。當中仲有手信商品店、餐飲店等商舖，係個唔只係買嘢嘅人氣觀光景點。

另外，金澤有三條著名嘅茶屋街，分別為東茶屋街、西茶屋街，及「主計町茶屋街」。於石階老街上走著走著，張望兩邊排開嘅傳統町屋，一格一格嘅「出格子」日式木造窗戶，此情此景處處充滿懷舊氣氛。而且茶屋街內有餐飲店同手信禮品店，作為觀光景點都幾完善呀。

喺金澤使用新鮮魚產製作嘅料理，或自古以來備受喜愛嘅傳統料理，有多款種類豐富嘅特產可以品嚐得到。JR金澤車站附近、近江町市場、長町武家屋敷」都聚集多間可以品嚐名產美食嘅餐廳。

金澤所屬石川縣沖合及金澤港等都以捕撈漁量多而聞名。所以喺金澤都有好多提供新鮮海產製作嘅海鮮丼同壽司嘅餐廳，香港人咁鐘意食刺身壽司，去到金澤都可以大快朵頤啦！

自古以來金澤係一個食咖喱嘅文化好根深蒂固嘅地區，亦從而誕生咗「金澤咖喱」，以濃厚嘅味道同質感為特徵。咖喱汁上裝滿炸豬排，份量十足。各大餐廳都有提供，嚟到金澤一定要試一吓！

金澤有多間酒店住宿，聚集喺JR金澤站同金澤城附近。從酒店，旅館，Hostel，Guesthouse等不同類型嘅住宿都有，尤其以酒店數量為多。

去金澤最近嘅日本國內機場係小松機場。從小松機場乘搭「小松機場巴士」，約40分鐘抵達JR金澤站。於JR金澤站乘搭「城下町金澤周遊巴士」可以到訪各主要觀光景點，市内觀光搭巴士就適合喇。

如果香港出發飛到東京，想去埋金澤玩，咁就可以喺JR東京站搭北陸新幹線列車，約2個半鐘車程就到JR金澤站啦，都好方便快捷！