鳥取砂丘位於鳥取縣鳥取市，面向日本海，係日本首屈一指嘅海岸砂丘。唔單止可以欣賞遼闊砂丘嘅壯觀景色，更可以體驗只有喺砂丘先可以玩到嘅活動，唔使去到荒沙之地都玩到，正係其魅力所在！
唔係沙漠，而係鳥取砂丘！
鳥取砂丘係經過漫長歲月自然形成嘅砂丘，隔離就係日本海，而唔係乾躁而荒漠嘅沙漠。南北長約2.4公里、東西長約16公里，高度落差最大可達90米，係日本最大規模嘅砂丘。置身其中，望著無際日本海、蔚藍天空、廣闊砂丘三為一體嘅景色令人感漢大自然造就嘅壯麗。
鳥取砂丘氣候與建議穿著服裝
鳥取砂丘夏季時日照強烈，加上砂地反射熱力就更炎熱；而冬季則有從日本海吹來強風，非常寒冷，所以最適合觀光嘅舒適氣候係喺氣溫較溫和嘅春季至初夏呢段期間就最好。但係如果想欣賞季節獨有嘅風景，則推薦冬季造訪，欣賞美麗銀白雪景。
此外，到鳥取砂丘時可以考慮吓體驗喺砂丘先玩到嘅戶外活動，所以建議著方便行走嘅鞋子，同整污糟都唔緊要嘅輕便休閒服裝較好。
鳥取砂丘特色與必玩活動
鳥取砂丘附近有觀光設施、餐廳、商店、溫泉等各式各樣景點，同時可以喺砂丘玩嘅活動都好多。就等我哋介紹啲特別推薦嘅觀光景點同體驗活動畀你知啦。
砂之美術館等鳥取砂丘觀光景點
喺鳥取砂丘附近有著美術館同地質公園等同砂丘有關嘅景點，其中特別推薦嘅係展示砂雕嘅「砂之美術館」。來自世界各國嘅砂雕家，每年根據唔同主題製作各種不同嘅砂雕作品。至今為止製作過世界遺產建築物或歷史上嘅偉人等砂雕，巨大砂像嘅每個細節都製作精巧，令人驚嘆不已。
冬季鳥取砂丘銀白雪景
鳥取砂丘根據唔同時間帶，可以欣賞到截然不同嘅風景。例如當夕陽西下時，唔只天空，連整片砂丘都會染成橘紅色，夕陽慢慢沉入大海地平線嘅景色，靚到令人陶醉！
此外，日本四季分別，根據季節唔同，景色都會隨之變化。特別係冬季落雪後形成一整片銀白世界，又一夢幻美景呈現眼前。
騎駱駝等鳥取砂丘熱門活動體驗
去鳥取砂丘旅遊時，推薦體驗各式砂丘戶外活動。例如喺砂丘上或沿著海岸線踩單車嘅「FATBIKE」、好似滑浪咁喺砂上玩滑板嘅「滑沙」、或者從空中俯瞰鳥取砂丘嘅「滑翔傘」等，有各式各樣嘅活動等著你嚟玩！其中最推薦嘅就係騎駱駝。絲綢之路嘅騎駱駝穿越沙漠聽就聽得多，想唔想自己都體驗一下騎喺駱駝背上遊覽砂丘呢？仲可以同駱駝一齊影相留念。從高人一等嘅駱駝背上，用新鮮角度欣賞砂丘美景都係好特別嘅體驗呀。
鳥取砂丘附近嘅酒店住宿
鳥取砂丘附近嘅酒店等住宿設施雖然為數不多，但都有幾間民宿或Guesthouse。所以去鳥取砂丘玩的話，可以揀住喺JR鳥取站附近區域，比較多酒店選擇。
去鳥取砂丘嘅交通方式
最近鳥取砂丘嘅車站係「砂丘中心」站。從JR鳥取站搭巴士，有多條巴士路線可到達，例如「砂丘線」、「循環巴士麒麟獅子號」「BONNET BUS」「YUMEGURI EXPRESS」等，搭車約20分鐘就到。喺「砂丘中心」落車後搭觀光吊椅（Lift）約5分鐘就到鳥取砂丘。
景點資訊
- 名稱：鳥取砂丘（砂丘中心）
- 地址：〒689-0105 鳥取縣鳥取市福部町湯山2083
- 交通方式：JR鳥取站→[巴士]約20分鐘→砂丘中心站→[觀光吊椅（Lift）]約5分鐘→鳥取砂丘
- Wi-Fi服務：有（tottri BB）
- 可對應語言：中文、英文、韓文
- 可否使用信用卡：VISA, MasterCard, JCB, AMERICAN EXPRESS, Diners Club International（依設施而定）
Comments