上稻佐山欣賞長崎嘅「千萬夜景」

稻佐山作為長崎市地標嘅山。從山頂眺望出外嘅景色超級迷人，更作為睇夜景嘅觀光景點而非常出名。

稻佐山的基本資料

稻佐山位於長崎縣長崎市嘅西部，係一座標高333米嘅山。先乘搭纜車到山頂，再經馬路或行人步道散步到山腰係一般人會行嘅觀光路線。加上纜車車箱有四面玻璃窗，可以360度盡情欣賞周邊景色。從車箱望出睇長崎市呢片土地，零舍唔同㗎！

稻佐山嘅山頂同山腰區域都有推薦嘅觀光景點。今次就為你介紹各區域嘅觀光重點啦。

稻佐山嘅山頂設有3層高、建設一流嘅展望台。喺展主台頂樓有個展望空間，讓人可以360度享受整個景色，俯瞰長崎市整片街景同海景。另外，喺好天時，晏就仲可以眺望到遠方嘅零仙、天草、五島列島添。

雖然可以睇到各種美麗景色，但當中最不能不看嘅一定係「一千萬美元之夜景」！長崎市街上閃耀嘅霓虹燈倒映到長崎灣嘅水面上，呢個畫面簡直靚到令人窒息呀！而且，展望台地板上亦以燈光照明製造如夢似幻嘅空間，呢種效果為長崎夜景錦上添花。

除咗頂樓嘅展望台，2樓仲有餐廳，一邊食長崎特產美食，一享受著名夜景，真係人生一大樂事！

稻佐山嘅半山腰有廣場、杜鵑花園、牧場等各種景點，其中最推薦嘅就係有飼養鹿同猿猴嘅牧園，除咗可以近距離睇到好得意可愛嘅群鹿同猿猴之外，仲可以買啲專用嘅飼料喂食動物添！

另外，半山腰區域嘅稻佐山公園同杜鵑花園都好出名。春天約有8萬株杜鵑花盛開，一大片鮮艷粉紅色嘅花景影起相嚟簡直無敵呀！

從JR長崎站去稻佐山，可以搭7分鐘長崎巴士到「Rope way前巴士站（ロープウェイ前バス停）」，然後從巴士站行2分鐘就到長崎纜車站「淵神社站」乘搭纜車，約5分鐘就到山頂「稻佐岳駅」。