長崎擁有日洋文化背景洋溢異國風情

長崎縣三面環海，擁有豐富自然資源，附近所屬島嶼多達971個。縣內有多個歷史建築物、大自然景觀、溫泉鄉等觀光景點，仲有多種當地美食！

長崎基本歷史背景

長崎位於九州嘅西面，係一個擁有自然優美海景嘅地區。同時基於歷史背景，昔日起已經因為貿易發展促進與西洋文化嘅交流，而令此處有充滿異國風情嘅景點。

長崎縣內嘅主要觀光地區分為長崎、佐世保、島原、列島四大區域，每個都有各自獨特嘅觀光魅力。

長崎係於1945年8月二次世界大戰中，被投下原子彈發生爆炸嘅原址而被廣為人知。而長崎原爆資料館等有關景點更讓世人了解更多有關嘅歷史同宣揚祈願和平嘅訊息。

整體嚟講長崎嘅氣溫較暖，縣內北部、內陸地區、沿海地帶等喺夏天時降雨量多，冬天時海邊吹嚟嘅大風令人覺得更凍。如果要去長崎旅行，都係避開夏天雨季同冬天寒風，喺春天同秋天去就最好。

長崎有四大觀光地區、多個觀光景點，睇吓以下邊個景點你有興趣？

長崎市作為長崎縣嘅中心，除咗有可以四通八達嘅長崎車站、Shopping Mall，周邊仲有多個觀光景點，而特別之處在於有日本同西洋文代交織嘅景色，同昔日戰爭相關嘅景點等等，讓人可以了解及感受更多長嶇嘅歷史文化。

例如，喺出島就可以睇到多個日西合壁嘅建築物，呢個獨特風景係出島嘅日大特色。另外，長崎市作為1945年8月二次世界大戰中被投下原子彈發生爆炸嘅原址，附近設立長崎原爆資料館、平和公園，讓世人了解更多有關戰爭嘅歷史同祈願和平嘅訊息。

長崎縣佐世保地區最出名莫過於以西洋小鎮作為背景，充滿異國風情嘅人氣主題樂園—豪斯登堡。另外，長崎縣有多個景點可以欣賞到優美島嶼海景，特別喺由多個小島組成嘅九十九島可以體驗遊船河、風帆、獨木舟等水上活動。

島原地區指嘅係以雲仙岳為中心以及周邊多個觀光景點聚集嘅島原半島。喺火山地帶嘅雲仙地獄更可以睇到煙霧瀰漫及溫泉噴出嘅震撼景觀，同擁有五層美麗白色天守閣嘅島原城都係好受歡迎嘅旅遊名勝。想去長崎縣旅行兼浸溫泉的話就唔可以錯過雲仙溫泉、小濱溫泉等溫泉鄉啦。

列島地區以壹岐、對馬、五島為首，聚集多個島嶼。每個島都被清澈泛藍嘅海水包圍，與陸上嘅綠色生機交織成絕景。而當中特別推薦五島嘅大瀨崎燈塔同壹岐嘅「猿岩」呢兩個景點，分別地都位於島岸上，加上懸崖絕壁同浩瀚大海作為背景，構成出魅力十足嘅壯麗景觀。

長崎各區都有各自代表性嘅當地美食，例如長嶇地區有「長崎Champon（ちゃんぽん）」（日式什錦麵）、佐世保區有「佐世保漢堡」、島原地區有「大村壽司」、列島地區有「五島烏冬」各種唔同種類嘅特色美食。

如果去玩轉長崎，每個地區都有各自有提供代表性美食嘅飲食店，一於去唒各個地區，制霸每地方嘅特色食物啦！

長崎嘅住宿主要集中喺JR長崎車站同JR佐世保車站附近、而豪斯登堡等大型觀光景點附近都不乏酒店，每個地區都有唔少酒店住宿可以選擇。如果想體驗日式溫泉旅館，仲可以去到小濱溫泉同雲仙溫泉等溫泉鄉一嘗日本嘅傳統待客之道，浸溫泉好好享受渡假。

現時香港飛長崎有直航，而喺長嶇機場出發，搭機場巴士都係35分鐘就到JR長崎站，非常方便快捷。而去長崎旅行最基本可以先揀JR長崎站附近酒店作為落腳點，再搭電車或者巴士都好方便去到其他地方玩。如果係想去埋列島地區，長崎港（碼頭）都有船開往小島。