奈良旅行必買手信推薦5選

奈良係歷史超過1300年嘅古都，傳統特產、和菓子、工藝品嘅種類豐富。以下要為大家介紹奈良旅遊必買手信推薦5選。

奈良手信推薦之一：奈良漬

奈良漬係起源於奈良嘅傳統漬物（醃製品）。將青瓜、白瓜等蔬菜放入酒糟中醃漬，口感清脆、風味濃郁、散發酒糟清香。當作配菜或下酒菜都係好受日本人歡迎嘅食法。

想買奈良漬嘅話，推薦去「森奈良漬店」或「山崎屋」老店，店內有各種奈良漬試食，試過鐘意先買都好呀。

奈良係日本著名生產柿，而使用柿製成嘅甜品、零食種類都好豐富，例如柿乾、柿脆片、柿蛋糕等。其中，特別推薦奈良吉野山嘅「ISHI (いしい)柿專門店」推出嘅「柿子最中」。將糯米烤製成鬆脆嘅外皮，內餡使用新鮮嘅柿果肉製成，再搭配吉野所產嘅新鮮柚子，令柿嘅後味帶有柚子嘅清爽香味，妙絕嘅味道配搭。

三笠係奈良傳統和菓子，香噴噴又鬆軟得好似Pancake嘅外皮，夾入高質帶甜紅豆餡，具有紮實豐富嘅口感。大大份嘅尺寸更係其特徵，直徑長達20厘米，完全滿足到本身鍾意食豆沙包嘅人，或者食唔唒同朋友Share嚟食都幾好吖。

喺奈良有好多和菓子店都有賣三笠燒，其中比較出名嘅有奈良市嘅「寛永堂」同「天平庵」兩間店舖。

奈良「一刀雕」係奈良具代表性嘅傳統木雕工藝品，又被稱為「奈良人偶」。採用檜木或樟木等木材嚟雕刻，並以繪具、金箔替作品添加生動色彩，所雕出嘅作品表情豐富、塗色鮮豔。奈良一刀雕嘅造型有「雛人形」（女兒節嘅娃娃)、奈良公園嘅鹿等，可以做為室內裝飾用品。

想買「奈良一刀雕」就推薦去JR奈良站、近鐵奈良站附近嘅「萬葉堂」或「誠美堂」。

誕生於8世紀嘅奈良團扇，係歷史悠久嘅傳統工藝品。用竹片同日本紙製成嘅奈良團扇，採用以優美曲線為特徵嘅「透雕」方式製作。「透雕」係將20張重疊嘅和紙，以特別嘅小刀雕刻「刺雕」而成。奈良團扇嘅外觀非常美麗優雅，上面有雕刻精緻嘅奈良風景、奈良鹿等，顏色以明亮嘅紅色或淺藍色為主。

目前奈良團扇只有奈良市嘅「池田含香堂」有製作同販售。

以上介紹嘅奈良手信或其他奈良特產，喺奈良市中心嘅JR奈良站、近鐵奈良站同周邊嘅商場或購物中心都可以買得到。喺奈良觀光之餘，都順便買埋手信啦。