「日本賞櫻第一名所」奈良吉野山賞櫻必去！

奈良縣吉野町嘅觀光資源豐富，有世界遺產嘅吉野山，亦有好多歷史人文景點。

吉野山有山有水，又有歷史性建築

吉野町位於奈良縣內幾乎正中間嘅位置，有豐富自然景觀。吉野町中央有一條吉野川河流，以北地區係龍門山地、以南地區則係吉野山地。

另外仲有歷史遺跡，或被列為世界遺產嘅神社寺廟等人文景點。

吉野嘅平地一帶氣候較為溫和，山區夏天雨量極多，冬天嚴寒。所以推薦春天或秋天去吉野地區旅遊。可以欣賞春季吉野山櫻花、秋季紅葉美景。

吉野嘅觀光區分為「吉野山」、「上市、吉野」、「龍門、中龍門」、「中莊、國栖中莊、國栖」等四大地區。以下為大家介紹各地區嘅旅遊必去景點。

被列為世界遺產嘅吉野山，亦係吉野町觀光嘅中心地區。吉野山係賞櫻、賞紅葉嘅名勝地區。春天可以欣賞滿開嘅粉紅色櫻花海、秋天就可以欣賞色彩紅豔嘅楓葉美景。

另外，吉野山山麓仲有世界遺產吉水神社，金峯山寺等歷史悠久嘅神社寺廟。

上市、吉野地區位於吉野川流沿岸，古老街道上有多間町家舊建築物林立，保留古色古香嘅風貌，充滿懷舊嘅歷史氣氛。另外，仲有可以欣賞櫻花美景嘅本善寺、可以祈求姻緣美滿嘅大師山寺等都係必去景點！

龍門、中龍門係位於北部山區中嘅小鎮地區。觀光名勝主要有龍門岳同津風呂湖。登上海拔900米嘅龍門岳，沿著津風呂湖散步，群山倒影在湖面上嘅景色如詩如畫，十分優美。

中莊、國栖位於吉野川上遊位置，係一個歷史悠久嘅地區。可以喺吉野歷史資料館了解更多從公元前至19世紀各種時代留存下來嘅考古遺物。

吉野町嘅當地美食以葛屬植物嘅根部所提取出嚟嘅「葛粉」，所製作成甜品、豆腐、柿葉壽司等為代表。

如果想食呢啲代表性嘅知名當地美食，最好就去吉野山地區嘅近鐵吉野站或纜車吉野山站周邊嘅日式料理店啦。

吉野大部分住宿設施集中於吉野山地區嘅近鐵吉野站同纜車吉野山站周邊一帶。住宿類型以旅館居多。

另外，吉野町上市地區都有民宿或整棟包租型嘅房屋可以入住。

喺近鐵奈良站乘搭特急列車，到近鐵「大和西大寺站」同近鐵「橿原神宮前站」轉車，約1小時20分鐘抵達近鐵「大和上市站」，再轉搭電車就可以到吉野山地區。其餘地區就要轉搭當地巴士。