到越後湯澤體驗日式待客文化「Omotenashi」

日文中嘅Omotenashi一般都被翻譯為「日本細膩周到嘅待客服務」。稱Omotenashi為絕大部分日式旅館嘅中心思想都絕不誇張，事關各大小旅館從歡迎客人到告別期間，所提供嘅服務同關懷都係一流水準！

新潟縣越後湯澤係一處以溫泉聞名嘅城鎮，而「高半」就係城內提供熱情款待嘅旅館之一，住宿體驗由恭迎客人到山坡上嘅接送服務開始。

一切從熱情接待開始

旅館主人會於入口處以閣下大名尊稱客人，先為客人簡單介紹旅館後再帶各位到入住房間。 房間內您會發現榻榻米草蓆、壁畫捲軸、地板座椅，紙門……等營造傳統日式氛圍嘅傢俱擺設。

越後湯澤天然溫泉

辦理入住手續後，您可以先享用免費綠茶稍作休息，並於房間裡靜靜享受日本傳統氣氛。日落後晚餐前嘅一段空檔時間，建議您可到日式旅館內嘅溫泉沖個熱水涼，一洗旅途疲憊。

「高半」嘅純天然溫泉含有豐富礦物質並保留源泉高溫，同場亦附設冷水浴，水源直接從山上引入，因此冬天期間會變成冰冷浴池。

入夜後於日式旅館放鬆身心

旅館客人可於晚餐時段穿上住宿設施提供嘅浴衣。酒店料理款式相當豐富，當中包括開胃前菜、魚、肉、新潟白飯（有唔少人都認為新潟米係全日本最好食！）、甜品等等，您可以喺預訂時告知旅館任何食物敏感或限制，職員會按您要求而作出調整。晚飯後，您更可以於客棧閒逛、欣賞歷史展覽。返到房間後，您就會發現職員早已經為您打點好床鋪喇！

於越後湯澤體驗各式溫泉

城鎮周圍遍佈多個由其他日式旅館經營嘅溫泉，您可以選擇付費泡浸。一場嚟到，您又點可以錯過嘗試唔同溫泉水質嘅大好機會呢？快樂嘅時光過得特別快，辦理check-out手續後，旅館工作人員就會向您揮手告別，懷著依依不捨嘅心情踏上歸途。

FUN! JAPAN小編的話

多得旅館關懷及熱情款待，因此住宿時光感覺眨下眼就過、小編非常滿足！入住期間，小編就喺越後湯澤溫泉小鎮上度過咗一個輕鬆無憂嘅假期，而且旅館內浴缸極之寬敞舒適，喺裡面浸浴時真係勁嘆勁放鬆！旅館一泊兩食收費為每晚約12,000日元，想要喺日本尋找日式旅館體驗嘅讀者，又或想親身體驗日本「Omotenashi」嘅朋友，高半絕對會係優質選擇！

旅館資訊

• 名稱: 越後湯澤 雪國之宿 高半 (越後湯沢 雪国の宿 高半)
• 地址: 新潟縣南魚沼郡湯澤町湯澤923
• 交通方式:
• 東京站→[上越新幹線]1小時19分鐘→越後湯澤站
• 新潟站→[上越新幹線]48分鐘→越後湯澤站
• 越後湯澤站→[旅館免費接駁車] 5分鐘→高半
  
• Wi-Fi: 有
• 信用卡: 可以使用JCB, Visa, Mastercard, Amex, UC, DC, Nicos, Diners, UFJ, Saison, Debit cards, Ginren