位於奈良縣奈良市嘅奈良公園面積廣闊。公園内有各種能代表奈良嘅歷史名勝。另外，最特別當然係可以睇到有成千隻奈良鹿喺公園嘅奇景啦！
奈良公園既有歷史性，又有大自然的一面
奈良公園位於奈良市，東至西長約4公里，南至北長約2公里，係一個佔地廣闊嘅公園。公園內有「東大寺」、「春日大社」等具歷史性嘅日本神社寺廟，仲有展出佛教藝術品嘅「奈良國立博物館」等景點。另外，仲有一片森林、日本庭園、池塘等自然美景。而最特別嘅，莫過於公園內有過千隻優哉游哉嘅奈良鹿，喺其他其他睇唔到㗎。
奈良公園必去打卡熱點
喺奈良公園唔只可以參觀神社寺廟等具日本歷史性嘅建築物，仲可以親親大自然，買鹿仙貝喂吓可愛嘅奈良鹿。以下就要同大家介紹去奈良公園有咩玩。
奈良公園內東大寺等神社寺廟
嚟到奈良公園當然唔少得去參拜日本神社寺廟，例如有供奉於「東大寺」內有嘅奈良大佛、「興福寺」內嘅五重塔、塗上朱紅漆料嘅美麗「春日大社」等。
其中「東大寺」係必去之處！東大寺嘅正門「南大門」高達25米，係一個以傳統建築手法嘅木製大門。門内左右兩側佇立著兩座超過8米嘅金剛力士像。穿過南大門後向前行就見到世上最大嘅木造建築「大佛殿」。而內裏可以一睹高達15米、一臉慈祥嘅座佛。咁大個座佛喺面前，都咪話唔震撼呢！
奈良公園內舉辦，受歡迎的祭典活動！
奈良公園嘅「切角儀式」，「號角喚鹿」等特別活動都唔可以錯過！「切角儀式」於毎年10月進行，係一個將雄鹿嘅角切除嘅傳統儀式。有技巧地追捕鹿隻，然後將鹿角切除，就好似一場人同鹿之間你追我逐嘅wall game咁，睇落都幾刺激帶感！而「號角喚鹿」就係以法國號吹出響亮樂聲，引群鹿從森林各處奔跑而來，再撒飼料俾鹿隻食，最後食完奈良鹿又會自動四散嘅情景真係非常有趣，大受遊客歡迎！
奈良公園嘅開放時間及參觀費用
奈良公園無設定開放時間同入園費用，遊客可以隨時進入公園。唯大佛殿或奈良國立博物館等設施需另外付費參觀。記得去之前事先check好官網啦！
去奈良公園嘅交通方法
首先喺JR奈良站搭10分鐘或近鐵奈良站搭6分鐘巴士，於「東大寺大佛殿」站落車，步行6分鐘到南大門。
從東京出發去奈良嘅交通
從東京出發的話，喺JR東京駅搭新幹線到JR京都站，所需時間大約2小時10分鐘。另外，喺JR京都站乘搭「MIYAKO路快速（みやこ路快速）」列車約44分鐘到JR奈良站。
從大阪、京都出發去奈良嘅交通
從大阪出發的話，於JR大阪站搭「大和路快速」列車至JR奈良站約50分鐘。另外，從JR京都站出發嘅話，則如上述所示，乘搭「MIYAKO路快速（みやこ路快速）」列車約44分鐘抵達JR奈良站。
景點資訊
- 景點名稱：奈良公園
- 地址：奈良市登大路町30
- 交通方式：
- JR奈良站→[巴士]10分鐘→東大寺大佛殿・國立博物館
- 近鐵奈良站→[巴士]6分鐘→東大寺大佛殿・國立博物館
- 是否提供Wi-Fi ：有（NARA Free Wi-Fi）
- 對應語言：中文、英文、韓文
- 可否使用信用卡：不支援
Comments