奈良曾作為日本首都擁有1,300年以上歷史文化

約1,300年前，奈良曾係日本嘅首都，擁有豐富嘅人文歷史古跡，其中以奈良公園更係最具代表性嘅景點之一。除咗可以餵食野生嘅奈良鹿，仲可以參觀被列為世界遺產嘅法隆寺。

奈良不只具歷史性，自然環境亦豐饒

奈良於8世紀時作為日本首都而繁榮起來。所以位於奈良縣以北，京城所在地嘅奈良市內至今遺留好多歷史建築物及遺跡。另一邊廂，奈良縣南部則有海拔超過1,000米嘅玉置山、作為山岳信仰聖地嘅吉野山等，自然環境豐饒。

奈良縣內有盆地、高原、山地等根據唔同地形，天氣溫差都好唔同。不過無論喺邊個地方都一樣係夏天濕熱、冬天嚴寒。所以比較推薦喺春天或秋天去奈良觀光旅行呀。

奈良主要嘅觀光地區為奈良、斑鳩、飛鳥、吉野共四大區域。以下為大家介紹各區特色。

「奈良地區」係指JR近鐵奈良站及以奈良市街道為中心嘅地區。主要觀光景點集中喺奈良公園附近。呢度有超過1,000隻以上嘅野鹿，可以自由餵食、觸摸，係一個自然豐富嘅觀光景點。除此之外，仲有高約15米大佛坐鎮嘅東大寺及各種著名神社寺廟，仲有展出眾多佛教藝術品嘅「奈良國立博物館」添。

喺斑鳩地區有好多神社及寺廟。尤其以於6世紀後期至7世紀左右活躍嘅聖德太子及其家族具淵源嘅佛塔為重點。其中，世界遺產嘅法隆寺最出名！建於其中嘅金堂同高達32米嘅五重塔，係世界現存最古老嘅木造建築群，古人精湛嘅建築技術可見一班。

另外，中宮寺內有安放「世界三大微笑佛像」之一嘅如意輪觀音像，仲有日本最古老嘅著名三重塔—法起寺等等都好值得大家去參觀㗎。

飛鳥地區以明日香村為中心，保留好多古墳、歷史遺跡、奇岩異石等。各個古墳嘅大小、形狀、造型都不盡相同，例如，可以睇到以巨石建成嘅石舞台古墳、刻有壁畫嘅「Kitora古墳（キトラ古墳）」等罕見古墳。

吉野地區位於奈良南部，被列入為世界遺產嘅吉野山都位於此。吉野山係日本數一數二嘅賞櫻名勝，毎年春天綻放多達200種、約3萬株櫻花，吉野地區被櫻花花瓣覆蓋，變成一片粉白色世界。另外，道之驛「十津川鄉」設有足浴、日歸溫泉等施設（不連住宿）。

奈良當地美食豐富，可以食到壽司、蕎麥麵、漬物（醃製食物）等。各個觀光地區都有好多餐廳，尤其以奈良、生駒地區嘅日式料理店特別多。

柿葉壽司係一種起源於江戶時代中期嘅當地料理。以柿葉包裹鯖魚以及三文魚，進行發酵，為壽司增添一股柿葉清香。眾多餐廳均提供呢道料理，不妨check一下啦！

「柿葉壽司」係一種起源於江戶時代中期嘅奈良鄉土料理。傳統做法係將柿葉包裹鯖魚或三文魚壽司，然後進行發酵，為壽司增添一股柿葉嘅清香。奈良有好多餐廳都會提供呢道料理，去奈良旅遊點都要搵一餐食呢道料理啦！

「奈良漬」係一種奈良風味嘅醃菜，將青瓜，白瓜等蔬菜加上酒粕醃製嘅食物。因為使用味醂同砂糖醃製，帶甘甜味道。除咗可以喺醃漬物專門店買到，去奈良地區嘅日式料理店食飯時都會附上一小盤奈良漬。

奈良各觀光區都有眾多住宿設施，酒店、旅館、民宿等都有。其中以酒店數量特別多，好多無論酒店外定客房內都係以現代日式風格設計，可以體驗日本風情為魅力之一。

好多人都會一個旅行去唒大阪、京都、奈良3個地方咁玩，而一落機直接過去奈良玩都好方便！喺關西國際機場搭搭機場巴士，約1個半鐘就到奈良站。而喺JR奈良站搭電車或巴士等交通工具都可以輕鬆去各個觀光地區玩！