喺日本NHK（日本放送協會）實施嘅「日本名峰排行榜」調查中，鳥取縣嘅「大山」被評為前三名嘅名山。從西面睇起嚟似富士山，所以都有「伯耆富士」之稱。附近地帶亦被立為國立公園，可以欣賞到大自然美景，春夏嘅新綠、秋天嘅紅葉、冬季嘅雪山都非常美麗迷人。
鳥取「大山」嘅旅遊特色
登山健行，以名峰山頂為目標！
大山係代表西日本嘅登山景點，保留未經開發嘅大自然。喺大山有幾條登山路線，當中推薦俾初學者嘅係「夏山登山路線」。可以欣賞到被列為國家天然紀念物嘅大山伽羅木群生林，或據稱為日本最大規模嘅橅樹林。進階者要登頂的話就要爬上標高1,709米嘅主峰、彌山嘅山頂上，天氣晴朗嘅話，仲可以喺山頂欣賞到日本海或弓濱半島嘅景色添。
大山附近滑雪場設施充實冬季活動
冬季嘅大山有幾個滑雪場開放營業，其中例如「大山 WHITE RESORT」係西日本規模數一數二嘅滑雪場。喺滑雪場可以欣賞一大片超過180度、全景模式嘅風景，仲可以眺望埋日本海，真係夠唒壯觀！嚟到呢度滑雪，就好似向著大海滑雪咁，同一般滑雪場有唔同嘅視覺效果呢。
景點資訊
- 名稱：大山 WHITE RESORT
- 地址：鳥取縣西伯郡大山町大山96
- 交通方式：米子站乘搭巴士約50分鐘
- Wi-Fi支援：沒有提供
- 語言對應：僅有日文
- 收費：滑雪活動的各種收費請瀏覽官方網頁。
- 信用卡：VISA, MasterCard, JCB
大山寺及大神山神社
大山亦係一個自古以來因信仰而受到崇敬嘅靈山。大山寺係喺718年興建嘅大寺院。曾坐擁3,000名僧兵，從鎌倉時代至室町時代擁有強大嘅勢力。此外，大神山神社奧宮嘅社殿，喺日本神社建築形式之一嘅「權現造」範疇中可以講係日本最大規模嘅社殿。
景點資訊
- 名稱：大山寺
- 地址：鳥取縣西伯郡大山町大山9
- 交通方式：從JR米子站搭乘巴士約50分鐘，下車後徒步約15分鐘
- Wi-Fi支援：有
- 語言對應：僅有日文
景點資訊
- 名稱：大神山神社奥宮
- 地址：鳥取縣西伯郡大山町大山
- 交通方式：從JR米子站搭乘巴士約50分鐘，下車後徒步約20分鐘
- Wi-Fi支援：：無
- 語言對應：僅有日文
大山的推薦餐廳
講到代表到大山嘅當地美食，首推「大山蕎麥麵」。以獨特嘅黑色同樸素嘅風味為特徵。共有17間得到當地認證嘅大山蕎麥麵店，要食就要食其中一間啦。另外，仲有名叫「大山百歲食」嘅料理則係以日本海捕獲嘅「海之鮮味」同喺大山孕育嘅「山之野味」所製嘅創新鄉土料理。喺大山寺附近嘅幾間旅館都有提供呢款食物，但需要事先預約。
大山的旅館住宿
喺大山地區，經濟實惠嘅平價住宿到高級旅館、露營場等各式各樣嘅住宿設施都有。但係如果希望可以體驗充滿大山當地風情嘅住宿體驗，推薦可以參考有好多附設餐廳嘅西式建築民宿或旅館聚集嘅「大山民宿旅館村」同「Ainopia民宿旅館村」。能盡情享受大山嘅自然美景之餘，同時仲可以同民宿老闆或當地人交流，令旅客感受到賓至如歸嘅親切感。
去鳥取、大山嘅交通方式
最近嘅機場係米子機場，從東京搭內陸線飛到米子機場約1小時15分鐘，從神戶機場出發的話約40分鐘左右。而最近鳥取、大山嘅車站係JR岸本站同JR伯耆溝口站，而米子機場出發的話分別都係50分鐘就到。之後搭巴士或的士去其他景點都好方便。
Comments