石川縣嘅「千里濱沙灘公路」係日本國內唯一可以開車喺沙灘上嘅路段。唔止四驅車，甚至連普通私家車、電單車或單車都可以喺上面行駛。有無試過喺海灘上揸車奔馳？不如嚟日本試吓喺千里濱沙灘公路揸車，加埋美麗嘅海景當背景嚟張合照，為自己旅途留一個難忘回憶啦。
石川縣千里濱海岸嘅簡介
石川縣羽咋市嘅千里濱海灘，係日本國內唯一可以喺沙灘上開車嘅路段。由於砂非常幼細，加上適量濕度令水份同砂石凝固起嚟。夏天時，去呢個沙灘玩海上運動、曬吓太陽嚟個日光浴嘅同時，仲可以欣賞海邊夕陽美景，非常浪漫！
駕車馳騁於千里濱沙灘公路
喺「のと里山海道」（海濱公路嘅路名）上，有一段總長大約8公里嘅「千里濱沙灘公路」，係日本國內唯一可以喺沙灘上駕車嘅路段。沙粒唔只細密，且因含有適度海水，令其堅硬踏實，唔只一般車，甚至連大型巴士或電車車都可以喺上面行駛。千里濱沙灘公路位於能登半島國家公園壯麗大自然中，可以一邊悠閒地體驗沙灘上駕駛，一邊吹著海風、感受潮汐嘅味道。
點樣喺千里濱沙灘公路玩得盡興
想喺「千里濱沙灘公路」玩得盡興，建議喺金澤車站或其他地方搭觀光巴士或觀光的士比較方便。
千里濱REST HOUSE
「千里濱REST HOUSE」提供單車租借服務。如果租借胎比較寬嘅海灘單車「Beach Cruiser」，仲可以喺千里濱海灘上更輕鬆咁踩單車。提供租借單車期間為4月至11月嘅08:40至17:00。租借費用為每小時200円、3小時300円、6小時500円（之後每延長1小時100円）。
去千里濱沙灘公路嘅交通方法
從東京市區出發去嘅話，喺東京站搭北陸新幹線去金澤站。再從金澤站乘搭JR七尾線，到羽咋站落車後，搭的士約7分鐘就到。
景點資訊
- 名稱：千里濱
- 地址：石川縣羽咋市千里濱町〜寶達志水町今濱
- 交通方式：金澤站→[JR七尾線]→羽咋站→[的士]約7分鐘
- Wi-Fi支援：沒有
- 語言應對：僅限日文
景點資訊
- 名稱：千里濱REST HOUSE
- 地址：石川縣羽咋市千里濱町タ４番地之１
- 交通：金澤站→[JR七尾線]→羽咋站→[的士]約7分鐘
- Wi-Fi支援：沒有
- 語言應對：僅限日文
- 信用卡：僅限餐廳或紀念品可以使用信用卡（JCB、AMERICAN EXPRESS）
Comments