位於石川縣金澤市嘅兼六園，係江戶時代嘅代表性著名日式庭園，喺漫長嘅歷史歲月當中，由歷代加賀藩藩主建造經營而成。位於金澤市嘅市中心，庭園內隨著四季更迭展現不同美景，係吸引日本國內外觀光客造訪嘅知名觀光景點。
代表日本嘅庭園「兼六園」
金澤嘅兼六園係採用「迴遊式」庭園嘅要素，並使用各種時代嘅庭園手法，可以講係綜合集大成嘅庭園。迴遊式庭園即係指將廣闊園地作最大程度地充分利用，庭園當中有大池塘、配置有使用砂石土壤人工建造嘅假山「築山」，並且有多處可眺望風景同作為休憩使用嘅建築物同茶屋，讓訪客沿途造訪各個景點，同時遊覽全體庭園景緻。隨著四季更迭，可欣賞美麗庭園景色。
冬季嘅兼六園
冬季去兼六園可以欣賞到名為「雪吊」嘅景觀。雪吊即係為咗保護樹枝不受積雪影響而折斷，豎立柱子及從柱子嘅頂端將繩子放射線狀地繫到樹枝上。圓錐形繩索嘅雪吊形成嘅景色可以講係代表北陸地區冬季嘅「風物詩」（即最能體現四季風情嘅事物）呢。
金澤兼六園嘅必睇之處
兼六園係兼具名為「六勝」嘅6種景觀意境嘅庭園。六勝係指「廣闊明亮且具開放性之景觀」、「如深山峽谷一般幽靜與深邃之景觀」、「經人工雕琢之造景」、「懷舊風情和自然」、「池塘或瀑布等美麗水泉景觀」、「可眺望街景或群山」等6個要素。要兼具六勝景觀造園相當困難，但兼六園妙絕地演繹呢啲要素。一邊欣賞「六勝」景觀、一邊漫步於庭園當中，一定更能感受日風情啦！
徽軫石燈籠
徽軫石燈籠可謂兼六園嘅象徵，石燈籠嘅腳分成2支，形狀有如琴柱（徽軫與琴柱之發音相同）。與前方虹橋同楓葉相映嘅美景，係好受歡迎嘅攝影景點嚟㗎。
霞之池
霞之池位於兼六園中央位置，並且係園內最大嘅池。面積約5,800平方米。周圍有「徽軫石燈籠」、「虹橋」、「唐崎松」等名勝，仲有銘石、植栽等，細心安排讓遊客可以一邊漫步廻遊，一邊欣賞四季更迭之美景。
兼六園嘅開放時間和參觀資訊
兼六園嘅開放時間為：3月1日至10月15日 07:00～18:00（閉園時間）、10月16日至2月底 08:00～17:00（閉園時間）。全年無休。入園門票為成人（18歲以上）310円、兒童（6歲至未滿18歲）100円。
去金澤「兼六園」嘅交通方法
從東京都內至兼六園可以喺東京站搭北陸新幹線至金澤站，再搭巴士到兼六園就到，非常易去。
景點資訊
- 名稱：兼六園
- 地址：石川縣金澤市丸之內1番1號
- 交通方式：從金澤站搭巴士至兼六園落車即達
- Wi-Fi支援：有
- 對應語言：英文
- 門票：於售票處窗口購票
- 可使用信用卡：可使用JCB卡、VISA卡、MasterCard、American Express、Diners Club International、銀聯
Comments