位於石川縣嘅金澤，每逢冬季都會落雪，遊客可以喺縣內欣賞到美麗雪景，仲可以食到新鮮當造盛產嘅海鮮美食，因此吸引大批觀光客造訪！此外，金澤作為古都，亦係一處相當受歡迎嘅觀光勝地，多處極具歷史價值嘅建築物與冬日雪景相映，場面充滿日本風情！
日本金澤嘅冬季
石川縣金澤市嘅冬季經常落雪，多積雪令冬季嚟到金澤嘅遊客有機會可以欣賞到美麗雪景，兼六園、金澤城公園、東茶屋街等各處充滿日本風情嘅觀光景點配上雪景就更推薦。此外，金澤亦以海鮮等美食而聞名，例如啖啖肉嘅蟹同鰤魚等當季海產魚類，季節限定美食千萬不容錯過！
金澤冬季推薦景點
金澤冬季降雪量多，各個觀光名勝與銀白雪景相映成趣，令人驚艷！以下係推薦體驗金澤冬季特有風情嘅景點。
兼六園冬季景色
位於金澤市嘅日本庭園兼六園喺毎年11月1日至12月中旬期間內，都可以睇到「雪吊」。雪吊即係為咗保護園內嘅松樹等植物不受積雪影響，就以樹木為中心豎立柱子，從柱頂將繩放射線咁綁到樹枝上，形成圓錐形嘅繩索。雪吊施工作業每年都從園內數一數二枝葉茂盛嘅松樹「唐崎松」開始，建起5條柱芯後，再使用總數量約800條繩繫起樹枝，可以講係北陸地方冬季季節性美景，有機會真係要去睇吓！
冬季金澤夜間燈飾
金澤市內喺冬季夜晚時會點亮期間限定燈飾，喺主要道路同購物地區都可以欣賞到璀璨浪漫嘅燈飾。而金澤城公園同兼六園亦會有夜間點燈照明活動，相當推薦前往欣賞。
冬季造訪金澤必做嘅事
金澤嘅冬天吹來寒風，落雪後更會凍上加凍，但正正係寒冷季節先可以欣賞到嘅景色同觀光景點都相當多。如果係寒冬去金澤觀光旅遊嘅話，就要準備好禦寒衣物啦。
金澤冬季天氣
金澤嘅12月日照少，陰天居多，係一年當中日照時間最短嘅月份，天氣唔好嘅日子經常持續多日。1月分則積雪量多，容易落雪，除雪防寒對策不可少。
冬季去金澤時嘅推薦服飾
12月嘅金澤，天氣好唔穩定，好易有變化，寒風吹拂嘅日子多。就算偶爾出現晴天，出街時最好都帶上保暖上衣及隨身帶定把遮會比較好。1月就算平均最高氣溫，都只有一年當中最低嘅溫度，寒冷日子持續，容易發生道路結冰嘅現象。出門時需身穿大衣外套，配戴圍巾或耳罩，最好再帶暖包就更好！
冬季去金澤嘅交通方式
從東京都內去金澤嘅交通方式，主要為從東京站乘搭北陸新幹線至金澤站落車，非常方便！
景點資訊
- 名稱：兼六園
- 地址：石川縣金澤市丸之内1番1號
- 交通方式：從金澤站搭巴士至兼六園落車即達
- Wi-Fi支援：有
- 對應語言：英文
- 門票：於售票處窗口購票
- 可使用信用卡：JCB、VISA、MasterCard、American Express、Diners Club International、銀聯
Comments