去長崎就一定要食！無食過唔好話你去過長崎啦～

長崎有多間餐廳，從西式、和式、甜品，提供多款長崎嘅美食。呢篇文章就同大家推薦5款長崎嘅特產。

長崎必食：長崎Champon（什錦麵）

長崎Champon（日文為ちゃんぽん，類似什錦麵）可以講係好有代表性嘅長崎美食。呢款美食可以追溯到1900年左右，由長崎市嘅中華料理店嘅中國人店主所創造。長崎Champo係將豬骨或雞骨精華滲入濃厚奶香嘅湯頭，加入有咬口嘅粗麵、海鮮、豬肉、蔬菜等大量食材製作而成。

長崎Champon喺長崎市、平戶市、雲仙市等長崎縣內好多地方都食得到，但以長崎市內最多店，當中發源店「四海樓」經過多年都仲喺度㗎！仲有「天天有」等中華料理店都係人氣之選。

皿烏冬（皿うどん）係繼長崎Champon嘅長崎代表性美食。雖然食材同味道幾乎同長崎Champon差唔多，但最唔同嘅就係皿烏冬係用油炸過、脆卜卜嘅幼麵，再加上粘粘地嘅芡汁、大量食材而成。不過除咗幼麵，仲有粗麵食法。粗麵的話醬汁同配菜係一齊炒，唔係分開上碟嘅。

要去食皿烏冬，推薦去喺長崎市好受歡迎嘅中華料理店「江山樓」同「蘇州林」呀。

土耳其飯（トルコライス）係發源於長崎市嘅西式料理。手抓飯、吉列豬扒、意粉滿滿地擺埋一碟嘅係最經典嘅！唔同店，食材同味道都會唔同，但基本上都係以上3種食材組合，好足份量嘅料理。

有提供土耳其飯嘅餐廳大部份都集中Z喺長崎市內。當中被傳為發源地嘅「Bistro Bordeaux（ビストロ・ボルドー）」，仲有1925年創業、日本九州最早出現嘅日式咖啡店「Tsuru-chan（ツル茶ん）」都好出名。

五島烏冬係五島列島從以前一直流傳以來嘅鄉土料理，同讚岐烏冬、稻庭烏冬並稱「日本三大烏冬」。而五島烏冬嘅特徵係幼麵條，同一般嘅烏冬嚟比，直經只有2毫米確實非常幼。但係幼麵卻比較有咬口，食落又比較順口，好易入口。

想制霸日本三大烏冬之一嘅五島烏冬，可以去「竹醉亭」烏冬專門店、人氣觀光景點武家屋敷故鄉館內嘅「美女花」等等都好推薦呀。

寒湯圓（寒ざらし）係長崎島原嘅傳統日式甜點。係將糯米搓成好多粒白玉團子（日文：白玉団子，即小湯圓），再加入蜂蜜同砂糖嘅糖水就食得。白玉團子以島原嘅放凍咗溫泉湧水浸過後，又順滑口感係其特徵，加上脫俗嘅糖水，一齊食非常夾！

通常喺島原市內嘅日本飲食店都會搵到有得食寒湯圓，其中以「銀水」同「Cafe SHIMABARA MIZUYASHIKI（しまばら水屋敷）」因以日本傳統建築餐廳而好受歡迎。