去到鳥取縣就必食當地特色美食5選

去到鳥取旅遊，當然唔可以錯過品嚐當地美食。鳥取縣面向日本海，海岸線延綿，漁獲豐盛，海鮮料理新鮮且美味。其他仲有從以前就流傳至今嘅鄉土料理或使用特產水果製成嘅料理等，種類眾多。今次就為大家特別推薦5大鳥取縣特色美食。

鳥取縣特色美食①松葉蟹

松葉蟹嘅其中一個主要產地就包括鳥取縣！松葉蟹其實係指成熟後嘅雄性灰眼雪蟹，大蟹殼裡蟹肉飽滿，有咬口係其特徵。松葉蟹嘅食法有刺身生食、水煮同燒烤等，提供各式各樣嘅松葉蟹料理。毎年11月至3月喺鳥取各漁港都捕獲新鮮松葉蟹上岸。想食就要計劃好喺冬季去先食得到呢個珍貴美食啦。

如果要食松葉蟹，推薦去螃蟹料理專門店「螃蟹吉」或平價午餐受到歡迎嘅「若林」等餐廳呀。

「婆婆鍋」係以暱稱為「婆婆」嘅火鍋料理，以一種長相特殊嘅深海魚為主要食材。另外再加入大量蔬菜，相當豐盛。「婆婆魚」口味清淡易入口，特徵係富有彈性嘅魚肉同有膠質嘅魚皮兩者之間嘅不同口感。

深海魚鍋「婆婆鍋」可以喺「福乃家」等日式料理店或「KAMAYA旅館」等旅館品嚐得到。

「ITADAKI」係喺鳥取縣西部自古以來流傳落嚟嘅鄉土料理。呢個料理係將首先將豆腐切成薄片及油炸後嘅「豆皮」內塞滿生米同蔬菜，裡面塞滿後就用高湯同醬油煮熟。加入鰹魚片同昆布之美味高湯同醬油滲透到全體，口味稍微有點甜。

可以喺米子市嘅手打蕎麥麵店「昌庵」或境港市嘅「YOMURA家」等店食到呢款鳥取縣嘅鄉土料理「ITADAKI」。

鳥取牛骨拉麵發源自鳥取縣米子市嘅當地美食。正如其名，係少見地使用牛骨熬煮成高湯嘅拉麵。再用醬油同鹽調整味道，可以品嚐到牛骨獨特嘅香味同美味。

鳥取牛骨拉麵喺拉麵店、食堂、居酒屋等各式各樣嘅餐飲店都有提供。其中更以「SUMIRE飲食店」同「拉麵幸雅」係造成人潮排隊嘅熱門人氣店舖。

鳥取係日本數一數二嘅梨產地，其中更以「二十世紀梨」嘅品種栽培最為興盛。二十世紀梨嘅果肉多汁、酸味同甜味取得良好平衡、口味清爽等為特徵。當地出產咗好多二十世紀梨為食材嘅雪糕、啫喱、果汁、蛋糕等甜品，呢啲使用梨製作嘅甜品小食可以喺鳥取站或公路休息站等商店買得到。