奈良Shopping就去呢度啦！

奈良除咗奈良公園、世界遺產東大寺等歷史性景點，仲可以去Shopping買夠本！今次就同大家介紹去奈良購買好去處！

奈良餅飯殿中心街、東向商店街等JR奈良站、近鐵奈良站附近嘅商店街

JR奈良站、近鐵奈良站附近有好多熱鬧嘅商店街。例如有「東向商店街」、「奈良餅飯殿中心街」、「小西通商店街」等。其中，特別受遊客歡迎嘅係「東向商店街」、「奈良餅飯殿中心街」。

首先「東向商店街」有奈良團扇、鹿角製品等奈良產工藝品。另外仲有奈良特產食物，例如以酒糟醃製蔬菜整成嘅「奈良漬」或豆沙包「三笠燒」等等。

而「奈良餅飯殿中心街」都有各式種類豐富商品售賣，而且街道仲保留有傳統日本懷舊風味。喺度可以搵到好多充滿奈良風格嘅和風雜貨、創意小物、食物模型飾品等得意有趣嘅小商品。

喺JR奈良站、近鐵奈良站附近有好多購物中心。例如「VIERRA奈良」、「Minara」、「Silkia 奈良」等各有特色嘅購物商場。首先喺「VIERRA奈良」有好多賣奈良特產商品嘅店舖。當中可以搵到奈良特產，柿製作嘅柿甜品、奈良和菓子、奈良地酒等作為特產手信都唔錯呀。

另外，喺「Minara」就有日常用品店、家電用品店，亦有手信特產店，可以買到「柿葉壽司」等奈良特產或日本製嘅生活雜貨等等等等。

除咗奈良市中心，奈良市嘅郊區都有值得一去嘅購物地方。大型百貨公司有「AEON MALL 橿原」、生駒市嘅「近鐵百貨生駒店」等。而商店街都有生駒市「生駒站前商店街」、天理市嘅「天理本通商店街」等。其中特別推薦AEON MALL 橿原同天理本通商店街。

喺AEON MALL 橿原有好多服飾、化妝品等免稅店，亦有茶葉專門店等可以買到日本出產等物品嘅商店。而喺天理本通商店街就可以買到天理特產嘅豆菓子「天理豆」、奈良嘅和菓子、日本茶等。

如果去奈良地區參觀完歷史建築物都不妨去Shopping睇吓尋唔尋到好寶啦！